Monday, October 29, 2012

SERBISYONG SUAREZ sa AGRIKULTURA


Isa sa mga pryoridad ng ating lokal na pamahalaan ang pang Agrikultura na programa, kung kaya naman tuloy-tuloy ang mga proyekto at aktibidades dito sa atin, sa pangunguna ni Gov. David “Jayjay” Suarez, kung kaya naman suportado din ng mga punong bayan at mga opisyales ang Serbisyong Suarez sa Agrikultura.

Isa na nga ang programa na tinatawag na Training on Community-Based Tilapia Hatchery for Fingerling Production na naisagawa na nga sa iba’t ibang bayan.

Ang mga bayan gaya ng Atimonan, City of Tayabas, San Antonio, San Narciso, Tiaong, Real, Gen. Nakar at Lopez, ay ilan sa mga bayan ng lalawigan ng Quezon na pinagdausan na ng nasabing pagsasanay.


Layunin nitong pataasin ang kalidad o kabuhayan ng mga kababayan natin sa pangisdaan at mabigyan ang mga mangingisda ng karagdagang, kaalaman.

Tulad ng ibinahagi ng mga kawani ng Fisheries Division, ng Tanggapan ng Panlalawigan Agrikultor o Agriculture,  tungkol sa mga, sumusunod:

  • Fishpond Lay-out and Design, 
  • Selection of Broodstock, 
  • Pond Preparation, 
  • Water Management, 
  • Collection & Segregation of Post Fry, 
  • Nursery & Fingerling Handling and Marketing, 
  • Farm Records and Financial Management at 
  • Adaptation Measures to Lessen the Effect of Climate Change to Fish Productivity 

Inaasahan ng lokal na pamahalaan na mabigyan ng naturang pagsasanay ang mga kababayan nating mangingisda sa iba pang bayan ng lalawigan.


Bukod pa dito namahagi rin kamakailan ng limang libong (5,000) coconut seedlings ang Tanggapan ng Panlalawigang Agrikultor sa mga bayan ng Unisan, Catanauan, San Narciso at Gumaca, Quezon, kaalinsabay ng pagsasagawa ng Coconut Planting and Replanting Program na dinaluhan ng isang daan at dalawampung (120) magniniyog. 

Layunin nito na buhayin at pagyamaning muli ang sektor ng pagniniyugan, upang mapalitan ang mga naputol na puno ng niyog, mga nasalanta ng bagyo, matatandang puno at mga tinamaan, ng peste.

Reported by: Jen-jen Oblefias @ Radio City 105.3 FM (Antioquia-Estacio Komentaryo) Gov. David "Jay-jay" Suarez

Saturday, October 27, 2012

SEN. LEGARDA MULING NAMAYAGPAG


Bukod sa pagkakaroon ng High Trust Rating sa isinagawang “ Pulse Asia Survey” mula Aug. 31 hanggang Sept. 7, 2012.

Muling namayagpag si Sen. Loren Legarda sa latest STRAT Polls survey, kung saan nakakuha siya ng 64% mula sa 1,200 respondents sa buong bansa.

Taos puso niyang ipinagpasalamat ang tiwala at pagmamahal ng taong bayan sa kanya, kung saan batid umano ang kanyang nagawa, ginagawa at gagawin pang trabaho sa senado.

Idinagdag din ng senadora na sa nalalapit na eleksyon, ang pagtupad sa tungkulin, pagtulong na mai-angat ang kabuhayan at mabigyan ng mahusay na serbisyong medikal ang mga mamamayan, ang dapat na unahain.

Sumunod kay Sen. Legarda sina: Sen. Chiz Escudero (63%), Sen. Alan Peter Cayetano (58%), Sen. Koko Pimentel III (45%), Former Congresswoman Cynthia Villar (42%) at Cong. Sonny Angara (40%)

Bumaba naman sa ika-7 pwesto si Cong. JV Ejercito (37%),  ika-8 si dating Sen. Richard Gordon (35%),ika- 9 si Former Sen. Juan Miguel Zubiri (33%) at ika-10 pwesto si Cong. Jack Enrile (29%)

Nasa ika-11 at ika-12 na pwesto naman sina Sen. Gregorio Honasan (29%) at Sen. Jamby Madrigal (28%). 

LEADING CAUSES OF MORBIDITY (Quezon Province)

Ilang dahilan ng matinding karamdaman:


  • Acute Respiratory Infection
  • Hypertension
  • Acute Tonsillopharyngitis
  • Influenza
  • Pneumonia
  • Wound
  • Urinary Tract Infection (UTI)
  • Skin Diseases
  • Diarrhea
  • Bronchial Asthma


Source: QMC-Lucena City (Quezon Province)

CAUSES OF MORTALITY IN QUEZON PROVINCE

Narito ang ilan sa mga naitalang sakit na nauuwi sa kamatayan (Quezon Province):

  • Cardiovascular Diseases
  • Pneumonia
  • Cancer (all forms)
  • Hypertension
  • Pulmonary Tuberculosis
  • Chronic Obstructive Pulmonary Diseases
  • Diabetes Millitus
  • Kidney Failure
  • Multiple Organ Failure
Source: QMC-Lucena City, Quezon

Friday, October 26, 2012

SERBISYONG SUAREZ TULOY-TULOY


Patuloy ang proyekto at aktibidad ng lokal na pamahalaan sa pangunguna ni Gov. David Jay-jay Suarez. Sa pagpasok pa lamang ng linggong ito ay ilang bayan na ang tinungo ng gobernador,

Aniya pinipilit ng Serbisyong Suarez na marating ang mga liblib na lugar upang maparating ang mga proyekto at paglilingkod sa taong bayan.

Nauna na dito ang proyekto sa mga bayan ng Real at Infanta, Quezon na nagkakahalaga ng 71.6 Milyon pesos na naipagkaloob nito lamang magkasundo na araw ng lunes at martes.

Dito nagkaroon ng Concreting, Construction and Improvement ng ilang kalsada at paaralan sa bayan ng Real na nagkakahalaga ng 32.7 Milyon pesos,

At sa bayan ng Infanta, Quezon naglaan ng P32,265,000.00 para sa itatayo na Claro M. Recto District Hospital, at namahagi rin ng Philhealth Cards, pinasinayaan din ang dalawang classroom building sa Barangay Agos-Agos sa bayan ng Infanta, sa ilalim ng Serbisyong Suarez para sa Edukasyon na napakalaking tulong para magkaroon ng panibagong silid aralan dahil sa hindi na magsisiksikan ang mga mag-aaral sa isang kubo.

Nagkaloob din ang Pamahalaang Panlalawigan ng pondo para sa Feeding Program sa 3 bayan, ito ay ang bayan ng General Nakar, Infanta at Real,  na nagkakahalaga ng P 5,148,000.00

Thursday, October 25, 2012

Pagkakahuli sa isang wanted at isang fire incident sa Mauban Quezon nai-ulat


Nahuli na nga kahapon si Reagan Laurel Bugtong @ Juancho na residente ng  Sitio Sto. Tura, Brgy Soledad ng bayang nabanggit dahil sa kaso nitong Frustrated Homicide na isinampa noong September 20, 2012.

Nadakip ito sa  Brgy San Rafael  dakong alas-4:40 ng madaling araw kahapon sa pamamagitan ng grupo nina  SPO1 Ruel Obmina at PO1 Bernardo Almariego Jr. ng PIB, QPPO dala ang Warrant of Arrest na may Criminal Case # 12-3358.
Samantala, ilang oras lang ang nakalilipas, isang sunog naman ang nai-ulat dakong 9:20 ng umaga sa Brgy. Bagong Bayan.

Isang Mr. Ray Astoveza ang dumulog sa himpilan ng Mauban Fire Station upang i-ulat ang sunog sa isang residential nipa hut na pagmamay-ari ng isang Nicasio Alcantara sa Siquijor St, ng naturang lugar.

Agad namang tinungo ng mga tauhan ng Bureau of Fire na pinangunahan ni Insp Fernando Castillo, ang nasabing lugar.

Sa imbestigasyon, napag-alaman na sa paglalaro ng posporo ng mga anak ng mga Alcantara nagsimula ang sunog, wala namang nai-ulat na nasaktan ngunit humigit kumulang P7,000.00 ang halaga ng nasirang pag-aari.

Wednesday, October 24, 2012

PANATILIHIN ANG MAKULAY NA TRADISYON NG PILIPINO


Suportado ni Sen. Loren Legarda ang Schools of Living Traditions (SLT), kung saan layunin nitong ituro sa nakababatang henerasyon ang katutubong sining at gawain ng mga komunidad na ito.

Ayon sa senadora, ang programang ito ay sisiguro, na maisasalin ang mga katutubong tradisyon o pamamaraan, na tulad ng paghahabi, dahil hindi lamang isang libangan o gawaing pinagkakakitaan ito, kundi isang Gawain, na ang bawat hibla ay sumisimbolo sa tiyaga, pagtitiis, kasipagan at pag-ibig para sa kalinangan, na patuloy na niyayakap at isinasabuhay ng mga katutubo,

Ang iba’t ibang tradisyunal na paghahabi, gaya ng hinahabing mga katutubong kasuotan, ng mga B’laan na nilagyan ng mother-of-pearl at ang tradisyon ng mga T’Boli na gumagawa ng mga intrikadong sinturon na nilagyan ng se-quins, mga kampanang gawa sa tanso at mga beads. 
Mga kumplikadong tradisyon ng pagbuburda ng mga katutubo, gaya ng tradisyunal na cross-stitching ng mga T’boli sa Mindanao at ang tradisyunal na pagbuburdang panubok ng mga Panay Bukidnon sa Visayas, ang ilan sa mga tradisyong Pilipino na binigyang pansin sa Hibla Pavilion

Si Sen. Legarda nga rin ang nag-akda ng Philippine Tropical Fabrics Law ng 2004, na nag-tatakda na gamitin ang katutubong hibla, sa mga opisyal na u-niporme ng mga empleyado at opisyal ng pamahalaan, upang lalong mapalakas ang ating lokal na industriya.at maipakita ang natatanging galing at sining ng mga katutubong pamayanan. 

AKBAYAN Party list sinuportahan


     Iba’t ibang sector mula sa lalawigan ng Quezon ang nagkaisa upang magbigay ng suporta sa Akbayan Party List.

      Kabilang dito ang Pambayang Ugnayan ng Mangingisda sa Gumaca (PUMASAG) at ang Samahan ng Kababaihang Magsasaka sa Tayabas (SAMAKATA).

      Bawat isa ay nagpahayag ng suporta sa Akbayan na siyang nagbigay tulong at serbisyo sa tulad nilang maralita o mahihirap.

      Ito ang kumalinga at nagbigay ng pag-asa at maging direksyon sa kanila upang magsikap paunlarin ang mga kabuhayan ng mga ordinaryong mamamayan.

     Dahil din sa party list na gaya ng Akbayan, naranasan ng iba’t ibang sector na mayroon silang kinatawan sa mababang kapulungan ng lehislatura, kung kaya naman suportado nila ang Akbayan sa pag-apela sa COMELEC upang huwag itong idiskwalipika.

    Kahapon nga ay nagsagawa ng isang press conference ang iba't ibang grupo ng mga batayang sektor sa lalawigan ng Quezon kasama ang ilang mga media upang ipahayag sa madla ang natanggap na tulong at serbisyo nito.


      Matatandaang mainit na naging usapan ang pagdi-diskwalipika sa Partidong Akbayan sa party list elections sa 2013.

DAHIL SA DROGA ISANG LALAKI BINARIL, PATAY!


Patay ang isang lalaki matapos itong barilin ng di pa nakikilalang suspek sa Candelaria Quezon kagabi.

Isang tawag sa telepono ang natanggap ng Candelaria Police Station mula sa isang concerned citizen kung saan ayon dito ay isang shooting incident ang naganap sa Nadres Subd., Brgy. Malabanban Norte, ng bayang nabanggit.

Matapos matanggap ang ulat ay kaagad na tinungo ng mga elemento ng naturang istasyon ang lugar.
Sa imbestigasyon ng mga awtoridad dakong  alas 8:25 ng gabi habang nagpapahinga ang biktima na nakilalang si Percival Cornejo Sumadsad @ Boyet at nakahigang nanunuod ng telebisyon, ng isa umanong di kilalang lalaki ang dumating at walang sabi-sabing binaril sa kaliwang dibdib ang biktima.

Matapos maisagawa ang balak ay agad itong umalis patungo sa di na nalamang direksyon.

Agad na isinugod sa Peter Paul Hospital sa Brgy, Poblacion, ng naturang bayan ang biktima, ngunit idineklara na itong Dead on Arrival  ng attending physician na si Dr. Hector Calibuso M.D, dahil sa malubhang tama ng bala sa dibdib nito.

Bukod sa isang (1) piraso ng empty shell ng cal. 45 narekober din sa crime scene ang mga assorted drugs paraphernalia.

Kung kaya naman tinitingnan din ang posibilidad na may koneksyon ang pagpatay sa iligal na droga o illegal drugs dahil sa mga natagpuang gamit sa loob ng kwarto nito.

Patuloy ang imbestigasyon sa pangyayari at sa di pa nakikilalang salarin habang kasalukuyan namang nakalagak ang mga labi ng biktima sa Funeraria De Mesa Lim sa Brgy. Poblacion, Candelaria, Quezon 

BIKTIMA NG PANANAKSAK NATAGPUANG PATAY-Tiaong Quezon


Isang bangkay ang natagpuan sa isang maliit na kubo kahapon ng umaga sa bayan ng Tiaong Quezon.

Isang tawag sa telepono ang natanggap ng Tiaong Police Station, kahapon dakong 9:15 ng umaga, kung saan isang concerned citizen ang nag-ulat na isa umanong bangkay ang natagpuan sa isang kubo, sa  Sitio DelaFuente, Brgy.,Lagalag, ng bayang nabanggit.

Ayon sa isinagawang pagsisiyasat ng mga imbestigador dakong alas 7:30 ng umaga ng madiscover ang katawan ng biktima  na nakahiga sa loob ng isang maliit na kubo, na tadtad ng maraming saksak sa kanyang leeg at ulo na syang naging dahilan ng agad nitong kamatayan.

Nakilala ang biktima na si Larde Vidal,@ “Larry”, 43 anyos, caretaker ng Farma Land na pagmamay-ari ng isang Edwin Tantuco , tubong Nasugbu, Batangas, at kasalukuyang naninirahan sa Sitio Dela Fuente, Brgy. Lagalag, Tiaong, Quezon,

Sa ngayon ay patuloy ang imbestigasyon ng mga awtoridad sa posibleng pagkakakilanlan ng di pa nakikilalang suspek.

MISTER ARESTADO DAHIL SA PANANAKIT NG ASAWA


Dahil sa pananakit sa asawa, arestado ang isang lalaki matapos itong ireklamo sa himpilan ng pulis ng kanyang misis, kahapon ng madaling araw sa Brgy. Domoit, Lucena City

Sa talaan ng Lucena PNP, personal na nagtungo sa kanila ang biktimang si Juvy Ann Jael y Dalisay, na isang personal consultant ng Camella Homes Quezon at residente ng Purok Sampaguita ng nabanggit na lugar dakong 4:20 ng madaling araw.

Sa imbestigasyon sinabi ng biktima na habang siya ay namamahinga ay bigla na lamang hinigit ang kanyang buhok, at pisikal na sinaktan ng kanyang asawa na si Ferdinand Jael y De Romas.

Nang magkaroon ng pagkakataon ay tumakas siya at agad na nagtungo sa police station, kung saan agad namang rumesponde ang kapulisan na nagresulta sa pagkakadakip ng suspek.

Sa ngayon ay nakakulong na sa temporary lock-up jail ng Lucena City Police Station ang suspek.

Tuesday, October 23, 2012

Fire Safety & Awareness, isinusulong sa Tiaong Quezon

Isang Fire incident o sunog ang nai-ulat kamakailan sa bayan ng Tiaong Quezon.
Tinupok ng apoy ang isang warehouse na pagmamay-ari ng isang negosyante na nakilalang si Amado Hernandez Ebreo.

Sa ulat ni duty Fire Investigator, SFO1 Alvin Abarcar ng Bureau of Fire Protection (BFP)
Tiaong. Electrical Short Circuit ang naging dahilan ng sunog.
Dahil sa mga hindi inaasahang insidente ng sunog na gaya nito, patuloy ang programa ng Tiaong Fire Department gaya ng:

  • “Fire Safety & Awareness"
Learning Kiddie Fire Marshall (kinder-grade 3)
Learning Jr. Fire Marshall (grade 4-highschool)
  • “Fire Safety Inspection”  sa lahat ng establisyemento 
  • "Fire Truck Visibility"  sa town proper ng Tiaong.
  • “Cleaning and Drainage”  sa mga kalsada ng poblacion upang maiwasan ang dengue,katuwang ng mga Brgy. Officials.
  • “Tree Planting Program”  na buwanang isinasagawa alinsunod sa proyektong Serbisyong Suarez ni Gov. David “Jay-jay” Suarez na plant 1 million tree”.
 Naka-antabay at handa din sila sa mga panahon ng sakuna at kalamidad.

USAPANG PANGKALUSUGAN: TIPUS O TYPHOID FEVER

Ang Tipus o Typhoid Fever ay nakukuha sa bakteryang “Salmonella Typhi”
Ito ay nakukuha sa kontaminadong pagkain at inuming-tubig, ilan sa mga palatandaan ng Typhoid Fever ay ang mataas na lagnat, pananakit ng ulo, panghihina, kawalang gana sa pagkain at pagtatae o pagtitibi okaya ay “abdominal discomfort”.
Upang makaiwas sa ganitong sakit narito ang ilang health tips:

  • Pakuluan ang inuming-tubig at hayaang kumulo ito ng 3 minuto kung hindi tiyak na ligtas ang pinagkunan nito.
  • Lutuin ng husto ang pagkain at laging takpan upang hindi dapuan ng mga langaw na nagdudulot ng sakit.
  • Hugasang mabuti ang lahat ng prutas at gulay na kinakain na hilaw.
  • Iwasang kumain ng mga pagkaing tinitinda sa mga bangketa kung hindi sigurado ang kalinisan ng mga ito.
  •  Gumamit ng sabon sa paghuhugas ng kamay pagkatapos gumamit ng palikuran at bago kumain.
  • Panatilihing malinis ang kapaligiran upang maiwasan ang pagdami ng langaw.
  • Kung inaakalang may “typhoid fever”, dalhin ang pasyente sa pinaka malapit na health center o ospital




Campaign on Trojan War nagpapatuloy


Dahil sa patuloy na pagpapatupad ng kampanyang Trojan War (Neutralization of Wanted Person), 2 pa na nasa wanted list ang nahuli sa 2 bayan sa lalawigan ng Quezon.

Sa pinagsanib na pwersa ng mga elemento ng San Andres MPS na pinangunahan ni PO3 Ronnie A Cataguiz, 74th IB na pinangunahan ni Lt Carlo Catalan at Cataingan MPS Masbate na pinangunahan ni PO3 Medardo Aplacador Warrant PNCO, naisagawa ang isang operasyon sa pagtugis sa isang supek sa kasong pagpatay (murder) sa bayan ng San Andres Qzn.

Ang suspek na kinilalang si Teodolfo Mahilum Jr y Usgang @ Dungan, ay nadakip lunes, dakong 4:30 ng madaling araw sa Brgy. Tala ng bayang nabanggit.

Nasa kustodiya na ng San Andres MPS ang suspek at walang ibiniyag na piyansa.  

Samantala 10:30 naman ng umaga ng maaresto si Ladislao Gamboa y Vito, sa kanyang bahay sa Brgy. Sampaloc 2, Sariaya Qzn. sa pamamagitan ng mga elemento ng Sariaya PNP kasama ang pulis brgy. sa bisa ng warrant of arrest mula kay Judge Francelyn G. Begonia ng Municipal Trial Court (MTC) Sariaya Qzn.

Ito ay sa kasong Violation of RA 8294 sa ilalim ng Criminal Case Nr. 11-52 na may bailbond na P60,000.00.
Pansamantala ay nakakulong ito sa Sariaya lock-up cell.

MOST WANTED PERSON SA POLILLO QUEZON ARESTADO, ISA PA HULI RIN!


Dahil sa maigting na pagpapatupad ng batas laban sa mga matitigas ang ulo na nagdadala ng illegal na armas, nito lamang lunes ay may mga nahuli na naman.

Sa bayan ng Polillo Quezon, 3 ang arestado, 2 dito ay kasama sa listahan ng Most Wanted Person (MWP) sa municipal level.

Dakong ala-5:30 ng umaga ng mahuli ng mga elemento ng Polillo Municipal Police Station (MPS) sa pangunguna ni PINSP ERIC LIBRANDA VELUZ sina:
Leoven Agana bo @ kulot (Top 2 MWP), dahil sa illegal na homemade Cal .22 rifle,
Mark Anthony Maniego Capayas  @ tonie (Top 5 MWP) sa pagtataglay ng isang (1) Cal .38 revolver with six (6) rounds of live ammunitions at
MERLITO ACUNO BO @ KUNOG dahil sa illegal na dalawang (2) bladed weapon (itakan/kitchen knife) na may sixteen (16”) inches at ten (10”) inches ang haba.

Ang mga ito ay pawang mga residente ng Brgy. Bañadero ng bayang nabanggit.

Naaresto ang mga ito sa bisa ng warrant of arrest sa kasong “attempted homicide/robbery in an uninhabited place with force upon things at Illegal Possession of Deadly Weapon/FAs” na inilabas ni Hon. Wilfredo G. Oca, presiding judge ng municipal circuit trial court ng Polillo – Panukulan, Polillo, Quezon sa ilalim ng criminal cases nr. 5306/5342.

Sa ngayon ang mga suspek ay nasa Polillo Municipal Jail na at ang mga nakumpiskang Fire Arms (FAs)/Bladed Weapon at ammunitions ay nasa kustodiya na ng Polillo MPS.

IKA-9 SA LISTAHAN NG WANTED PERSON SA LOPEZ ARESTADO


Nahuli na ang ika-9 na Most Wanted Person sa Municipal Level ng Lopez Quezon.

Kahapon nadakip ng mga elemento ng Lucban MPS si Reynaldo Señado y Llabore @ Rey na residente ng Brgy talolong, Lopez, Qzn.

Alas- 10:25 ng gabi ng maaresto ang suspek sa Brgy Rizal Poblacion, ng bayang nabanggit, sa bisa ng warrant of arrest sa kasong Frustrated Murder sa ilalim ng Criminal case No. 6131, na inilabas ni Judge Salumbides ng Regional Trial Court Branch 63 ng Calauag, Qzn na may petsang Aug 31, 2012.

Kasalukuyang nakakulong sa temporary locked-up jail ng Lopez Quezon ang akusado.

ISANG BAHAY TINUPOK NG APOY -- Lucena City


Dahil sa napabayaang nakasinding kandila, isang bahay ang tinupok ng apoy sa Blk. 12 Lot. 8 Main Road sa harap ng chapel ng Welmanville Subd. Brgy.  Bocohan, Lucena City kagabi.

Sa imbestigasyon ng Lucena PNP dakong alas 10:20 ng gabi ng magsimula ang sunog, wala umanong kuryente ang bahay na pagmamay-ari ng balong si Genero Montera  Liad, 56 yrs. old, ng gabing iyon at naiwang nakasindi ang isang kandila na naging dahilan ng pagkalat ng apoy at tumupok sa naturang bahay.

Dumating naman dakong alas-11:00 ng gabi ang mga tauhan ng BFP Lucena at napigilang kumalat pa ang apoy, tinatayang humigit kumulang Php 250,000.00 ang estimated damage ng nasabing sunog, wala namang naitalang nasaktan sa insidente.

Monday, October 22, 2012

LEGARDA, KINILALA NG UN BILANG ‘HERO OF RESILIENCE’


Dahil sa nararanasang abnormalidad o pagbabago ng klima ng panahon, patuloy na isinusulong ni Senador Loren Legarda ang pangangalaga at proteksyon ng kalikasan.

Nauna na nga dito ang pandaigdigang kampanya para sa maayos na pangangalaga sa kapaligiran o good environmental governance na kinilala noong 2001 ng World Economic Forum, kung saan kinilala ang senadora bilang isa sa mga Global Leaders for Tomorrow.

Ilan sa mga akdang batas din niya na may kaugnayan sa adbokasiya sa pangangalaga ng kalikasan ay ang Climate Change Act at ang Philippines Disaster Risk Reduction and Management Law, kung saan pareho itong napabilang sa pinakamagagandang batas sa mundo.  
Kaugnay din nito ang akda niyang batas tulad ng Clean Air Act, Solid Waste Management Act, Climate change Act, Philippine Disaster Risk Reduction and Management Act at ang People’s Survival Fund Act.     
Pinangunahan din ng sendora ang isang “information and education campaign”, patungkol sa disaster risk reduction at climate change adaptation, ito ay sa pamamagitan ng regional workshops para sa mga lokal na pamahalaan, sa pamamagitan ng pagpapakalat sa buong bansa ng mga documentary o tungkol sa climate change at ang kaniyang greening program na “Luntiang Pilipinas”, kung saan ay nakapagtanim na ng dalawang milyong puno sa mahigit 500 ektaryang lupa sa iba’t ibang bahagi ng bansa.

Sa tatlong bilyong babae sa buong mundo, si Senador Loren Legarda ang natatanging Pilipino at isa sa sampu na kinilalang “United Nations International Strategy for Disaster Reduction” (UNISDR) bilang bahagi ng selebrasyon para sa 2012 International Day for Disaster Reduction na may temang Women and Girls: The [in]Visible Force of Resilience.

Friday, October 19, 2012

PANATILIHIN ANG TRADISYONG PILIPINO-LEGARDA


  Dahil sa pagbibigay importansya at pagmamahal ni Senate Committee on Cultural Communities Loren Legarda sa mga katutubo dito sa Pilipinas, naglunsad ang senadora ng kauna-unahang permanenteng textile galleries sa bansa, ito ay ang Hibla ng Lahing Filipino o The Artistry of Philippine Textiles.

  Ang ang Hibla Pavilion of Textiles and Weaves of the Philippines ay inilunsad nga kamakailan bilang bahagi ng pagdiriwang ng Buwan ng mga Katutubo.

  Layunin umano ng nasabing eksibisyon ang mailahad ang mga kwento ng ating mga katutubo sa pamamagitan ng kanilang mga habi na ipinamana pa sa kanila ng kanilang mga ninuno. Inaasahan din na makatutulong ito upang malutas ang kinahaharap ng mga katutubong sining ng mga Filipino – ang paglaho nito dulot ng kakulangan ng pagpapahalaga.

  Binibigyang-pansin ng Hibla Pavilion ang iba’t ibang tradisyunal na paghahabi gaya ng hinahabing mga katutubong kasuotan ng mga B’laan na nilagyan ng mother-of-pearl at ang tradisyon ng mga T’Boli na gumagawa ng mga intrikadong sinturon na nilagyan ng sequins, mga kampanang gawa sa tanso at mga beads. Ipinakikita rin dito ang kumplikadong tradisyon ng pagbuburda ng mga katutubo gaya ng tradisyunal na cross-stitching ng mga T’boli sa Mindanao at ang tradisyunal na pagbuburdang panubok ng mga Panay Bukidnon sa Visayas.

(Reported by: Jen-jen Oblefias @ Radio City 105.3 FM (Antioquia-Estacio Komentaryo)) SENATOR LOREN LEGARDA 

Thursday, October 18, 2012

SIMULAN SA KABATAAN

Nagsagawa ng lecture o pag-aaral ang mga kinatawan ng Task Force Lucena na pinamunuan ni Col. Narciso Alamag, Lucena PNP na pinamunuan ni PSUPT. Sergio Vivar at City Anti-drug Abuse Council sa Gulang-gulang National High School kung saan nasa 200 mag-aaral ang nakinig.

Dito ipinaliwanag sa mga kabataaan ang impormasyon at kalinawan para malaman at maunawaan ang mga nangyayari sa lipunan at upang makaiwas sa maling barkada na nagiging masamang ehemplo at samahan na nagdudulot ng pagkasira ng kanilang kinabukasan.

Ibinahagi ni P/INSP. Elena Eleazar, hepe ng Womens Desk ng Lucena PNP ang tungkol sa Violence Against Women and Children, na hindi dapat baliwalain, lalo na sa mga kabataan at kababaihan na nakararanas ng pananakit sa kamay ng magulang at asawa.

Tinalakay naman ni Chief Inspector Leogo ang mga dapat tandaan sa pag-iwas sa mga krimen lalo na sa mga kabataang gumagala sa gabi.
Nagturo din ito ng mga pamamaraan sa pagdipensa sa sarili o self-defense.

Layunin ng pag-aaral na ito na mabigyan ng kapaliwanagan at mga tamang impormasyon ang mga bata at madala sila sa magandang landas at kinabukasan.

Sa ngayon ay patuloy pa ring ibinabahagi ng Task Force Lucena sa pangunguna ni Cpt. Agpao kapag may talakayan, ang IPSP BAYANIHAN at ang Youth Infiltration ng CPP/NPA/NDF sa hanay ng mag-aaral.

SERBISYONG SUAREZ PATUBIG PROGRAM


Isa nga ang water supply o kakulangan ng tubig, sa nagiging problema ng halos lahat ng tao dito sa atin, kung kaya naman isa sa mga programa ng lokal na pamahalaan sa patubig, ang tinututukan ng Serbisyong Suarez.

Isang proyektong Water Source Development and Pipeline Installation para sa bayan ng Candelaria Quezon na nagkakahalaga ng 7 Milyon Pesos ang isa sa mga programang pinasimulan na nga.

Sa nakalipas na 50 taon ay naisakatuparan ang kahilingan ng mga tao dito na magkaroon ng magandang serbisyong patubig, na natugunan naman ng administrasyon ni Quezon Gov. David “Jayjay” C. Suarez.

Sa ponding inilaan para sa naturang bayan ay maisasa-ayos na ang patubig, kung saan malinis na ito kumpara sa dati.

Ang paghihirap ng mga taga-Candelaria sa tubig sa loob ng 5 dekada ay malapit na umanong maayos lalo na nga at nakatakda ng itayo sa mga susunod na panahon ang pinakamalaking proyektong patubig na nagkakahalaga ng 25 milyon Pesos sa nasabing bayan.

(Reported by: Jen-jen Oblefias @ Radio City 105.3 FM (Antioquia-Estacio Komentaryo)) Gov. David "Jay-jay" Suarez

Tuesday, October 16, 2012

ADBOKASIYA SA PANGANGALAGA NG MGA ENDANGERED SPECIES ISINUSULONG NI SEN. LEGARDA


    Maligaya si Sen. Loren Legarda dahil nagbubunga ang adbokasiya ng gobyerno at wildlife conservation sa pangangalaga ng mga endangered species at di na kailangang mag-alala na mamumulatan o makikita ang mga ito sa hinaharap.

      Ipinanawagan ni Senator Loren Legarda ang public awareness o kamalayan tungkol sa estado ng mga endangered species at kung paano sila mapoprotektahan.

      Tulad ng Tamaraw, ang pagpapalaki ng populasyon nito sa Iglit-Baco National Park ay isinulong at naging matagumpay, dahil na rin sa maayos na ginampanan ng mga dedikadong mga tao na nagtrabaho ng walang kapaguran sa mga nakalipas na dekada upang mapanatili ang lahing tamaraw.

      Ayon sa TCP o tamaraw Conservation Program, Ang bilang ng Critical na endangered Bubalus mindorensis, isang maliit na buffalo species na matatagpuan sa Mindoro Island ay tumataas ng baha-bahagya simula pa noong taong 2000.

      Ang sapat umanong kaalaman tungkol sa tamaraw at iba pang mga endangered species o malapit ng maubos at maglahong mga uri o klase ng mga hayop ay magsisilbi o makakatulong na mapataas ang tyansang mapanatili ang kanilang lahi.

      Malaking problema o pagsubok sa economic development  sa pagpapanatili o pangangalaga sa mga indigenous animal species ang pangangaso, illegal logging at pagsira sa mga natural habitat o tirahan ng mga ito.

      Ngunit sa tulong ng mga batas tulad ng National Environmental Awareness and Education Act of 2008, ay malilimitahan ang mga ganitong banta.

(Reported by: Jen-jen Oblefias @ Radio City 105.3 FM (Antioquia-Estacio Komentaryo)) SENATOR LOREN LEGARDA 

Misyong Paglilingkod-Punzalan


     Isang Misyong Paglilingkod ang isinagawa sa bayan ng Tiaong Quezon, kung saan isang “Free Medical, Dental at Optical Mission”  ang pinangunahan nina former Congresswoman Lynn Punzalan,  dating Board Member (BM) Anton “Jun”  Punzalan at kanyang kapatid na si Francis Punzalan.

      Humigit kumulang limang daan ang naitalang bilang ng pasyenteng natulungan sa nasabing bayan.
  
     Naging maayos at matagumpay ang nasabing medical mission sa pakikipagtulungan ng Sangguniang Bayan at Sangguniang Brgy. ng Tiaong kasama ang mga boluntaryong doctor.

     Sa pagtingin ng mga pasyente ay may apat na doctor ang nakatalaga: Dr. Jerrome R. Relato (ER Medicine), Dr. Hanz  Manga (Family Med.), Dr. Pinky Mansukitani (IM) at isang surgeon doctor na mula sa Malabon Polymedic Clinic.
Sa Dental naman ay sina: Dr. Angelita Ignacio, Abigail Cruz at Ybrahim Kalaw mula sa A.S.I Dental Clinic.

        Asahan na umano ang mga ganitong gawain ng mga Punzalan kung saan layunin nila ang mamahagi ng tulong para sa mga taong nangangailangan.at walang kakayahang gumastos para sa kanilang medical check-up.

Kasabay din nito ang ika- 67th na kaarawan ni dating Congressman Marcial  Punzalan.

(Reported by: Jen-jen Oblefias @ Radio City 105.3 FM (Antioquia-Estacio Komentaryo))

Monday, October 15, 2012

CONGRESSIONAL DISTRICT MEET SA IKA-APAT NA DISTRITO NG QUEZON NAGING MATAGUMPAY


Natapos na nga kahapon ang ika-19 na palaro o ang 4th Congressional District Meet sa lalawigan ng Quezon na nagsimula nga noong ika-12 ng Oktubre sa Calauag East Central School.

Nasa mahigit na 2,000 estudyanteng manlalaro ang nakilahok mula sa 10 bayan ng ika-4 nadistrito, kasama rin ang mga Punong Bayan sa bawat lugar

Pinagkaloob ang bayan ng Calauag, Quezon ng Pamahalaang Panlalawigan, Serbisyong Suarez, ng halagang Php 325,000 na cash assistance na sya ring naging host sa nasabing palaro at sa ikagaganda ng nasabing programa sa loob ng tatlong araw.

Ayon kay Quezon Governor David “Jayjay” C. Suarez, na nagging tagapagsalita dito, susuportahan niya ang  mga programang gaya nito, kung saan ang kapakinabangan ng bawat mamamayan sa lalawigan ng Quezon ang pangunahing layunin.
Nagbigay din ngkaragdagang tulong ang Ama ng Lalawigan sa bawat isa ng delegasyon na nagkakahalaga, ng “sampung libong piso” upang gamitin ng mga manlalaro sa kanilang pangangailangan.

Samantala ayon naman kay 4th District Congressman Lorenzo Tañada III, Pagdating sa larangan ng palakasan ay walang pulitikahan, at talagang nagkaisa ang lahat ng mga pinunong bayan, magsisilbi umanong aral para sa mga opisyal ng pamahalaan, ang taglay na katangian ng isang manlalaro sa pagiging matapat at ang pagtanggap, sa katotohanan, nasa bawat laban ay mayroong panalo, at may natatalo.

(Reported by: Jen-jen Oblefias @ Radio City 105.3 FM (Antioquia-Estacio Komentaryo)) Gov. David "Jay-jay" Suarez

PATULOY ANG PAG-REVIEW O PAG-AARAL SA KONTROBERSYAL NA CYBERCRIME LAW


Matatandaang hindi pa maipasa ang nasabing batas dahil sa mga nagprotesta laban dito, idagdag pa ang hindi din pagsang-ayon ng ilan senador kabilang si Senador Loren Legarda, kung saan nag harap siya ng panukalang batas na nagpapawalang bias sa libelo at iba pang probisyonng Republic Act No. 10175 o ang Cybercrime prevention act of 2012.

Sa kanyang hinain na Senate Bill No. 3295, umaasa ang senadora na mapapawia ang pangamba ng publiko, mula sa mga kwestyonableng probisyon ng batas, naumano’y taliwas sa umiiral n akalayaan sa  pamamahayag sa bansa.

Ang pangunahing layunin ng Cybercrime law ay ang tugisin o masawata ang mga tinaguriang “pollutants” sa cyberspace, tulad ng pornograpia o pornography, cybersex, mgatiwali  at  maling  gawain,  nanagpo-promote, ng human trafficking, ay ang tunay umanong dahilan kung bakit kailangan ang cybercrime prevention law.

Mabuti man ang layunin ng naturang batas ay di naman dapat na isagawa sa pamamagitan ng pagsasakripisyo ng karapatan sa malayang pamamahayag, kung kaya’t sa inihain ni Legarda na Senate Bill 3295, idi-decrimi-nalize ang libelo, at tinatanggal ang parusang pagmumulta at pagkabilanggo sa kasong libelo.


Dagdag pa niya, bagamat ginagarantiyahan sa Bill of Rights ng 1987 constitution ang malayang pamamahayag, ito ay napapa-ikutan pa rin sa pamamagitan ng pagbabanta ng kasong libel, o libelo.

(Reported by: Jen-jen Oblefias @ Radio City 105.3 FM (Antioquia-Estacio Komentaryo)) SENATOR LOREN LEGARDA 

Friday, October 12, 2012

SENATOR LOREN LEGARDA: ISA SA MGA PINAGKAKATIWALAANG SENADOR


Masaya si Senator Loren Legarda sa respeto at tiwala ng mga Pilipino sa kanya.
Matatandaang  ang senadora ay nagkaroon  ng high trust rating  sa Pulse Asia Survey, kung saan ayon sa kanya ay utang niya sa mga tao na nagtrabaho  at naniwala sa kanyang mga adbokasiya na pakikinabangan ng sambayanang Pilipino.

Ang Senadora ay nagkapuntos ng 81% na trusting rate sa isinagawang Pulse Asia Survey mula Aug 31 hanggang Sept. 7, 2012, kabilang nga sa mga high ranking national officials na napasama sa isinagawang survey ay sina Pres. Benigno Aquino III na may 78%, Vice Pres. Jejomar Binay na may 84% at Senate Pres. Juan Ponce Enrile na may 65%.
Si Legarda ay nakatalaga sa protection of the rights of women and children, nag-akda ng mga batas gaya ng Anti-Violence Against Women and Children Act, the Anti-Child Labor Law at the Anti-Trafficking in  Person Act.

Bilang Chairman ng Committee on Foreign Relations, inisponsoran ng senadora ang approval ng labin dalawa o (12) international agreements, na kamakailan lang ay naghatid sa magkasabay na pagpapatibay ng senado ng International Labor Organization Convention 189 o Convention Concerning Decent Work for Domestic Workers at ng Maritime Labor Convention, 2006, kung saan layuning ng mga ito ang mabigyang proteksyon ang mga mangagawang Pilipino.

Sya rin ang may akda ng ilang mga hakbang upang itaguyod ang karapatan ng mga Pilipino sa kanilang kalusugan tulad ng Newborn Screening Act, Food and Drug Administration Act at Expanded Senior Citizens Act.

Upang /para mapanatili ang kaayusan ng rural livelihoods at suportahan ang mga maliliit na Gawain o proyekto, kung saan sya ang umakda ng Brgy. Kabuhayan Act, Agri-Agra Reform Credit Act at Magna Carta for Micro, Small and Medium Enterprises Act.

Bukod pa ditto wagi din ang senadora sa pangangalaga at proteksyon ng kalikasan, climate change adaptation o CCA at disaster risk reduction o DRR, kaugnay nito ang akda na batas tulad ng Clean Air Act, the Solid Waste Management Act, the climate change Act, the Philippine Disaster Risk reduction and Management Act at the People’s Survival Fund Act.

Dahil ditto sya rin ang itinalaga ng United Nations bilang Regional Champion for DRR at CCA sa Asia-Pacific.


At bilang pagkilala sa pagtulong niya sa mga muslim, binigyan siya ng titulong Bai a labi o Honorary Muslim Princess ng Marawi Sultanate League.

(Reported by: Jen-jen Oblefias @ Radio City 105.3 FM (Antioquia-Estacio Komentaryo)) SENATOR LOREN LEGARDA 

NEWBORN SCREENING ACT PATULOY NA ADBOKASIYA NI LEGARDA


      Base sa ginawang pag-aaral at ulat ng University of the Philippines, National Institutes of Health at Newborn Screening Reference Center tumaas na ng 26.4% ang nasakop ng Newborn Screening.
Ang Newborn screening na kailangang gawin 1 araw o 3 araw matapos ipanganak ng sanggol, ay isang programang pangkalusugan para sa publiko kung saan layunin nitong malaman ang kalagayan o genetic o metabolic condition, na maaring magdala sa pagkakaroon ng severe mental retardation, cataract, anemia at maging pagkamatay kung hindi o magagamot.

       Ang mga bagong panganak ng mga mahihirap ng 5.2 million na pamilya, na napag-alaman  ng National Household Targeting System for Poverty Reduction,  ay libreng mapakikinabangan (newborn screening) ito ay bilang parte ng PhilHealth’s Newborn Care Package.
Hinimok ni Senator Loren Legarda ang lahat ng Ahensya ng Gobyerno, Health Institutions, mga Local Government Officials at mga Pribadong Sector na makiisa sa MDG o Millennium Development Goal Target ng United Nations sa child mortality o pagkamatay ng mga bata, kung saan sisiguraduhing 100% na magkakaroon ng Newborn Screeningn Coverage, sa pamamagitan ng Republic Act 9288 na lalong mas kilala sa tawag na “Newborn Screening Act of 2004”.

      Kung nagawa umanong umabot ng 15.6% noong taong 2007 hanggang 42% noong taong 2011 ay hindi umano malayong mabigyan ang mga bagong panganak na sanggol ng Newborn Screening sa ngayon.         
 
      Ayon pa kay Legarda na sya ring nag-akda ng naturang batas, sa ulat ng United Nations Development Programme report, bumaba ng nasa 60% ang pagkamatay o mortality rate sa nakalipas na labing anim (16) na taon mula sa 80 na patay noong 1990 hanggang sa 32 na pagkamatay kada 1,000 buhay na sanggol, noong 2006.
Sa nalalabing 3 taon hanggang sa deadline ng pagbawas ng bilang ng child mortality ng bansa, ang ating Gobyerno ay kailangan ang tulong at suporta ng lahat, upang maiwasan ang di inaasahang pagkamatay ng mga bata.

Kawalan umano ng kaalaman o impormasyon, ng mga ina na nanganganak sa bahay, ang isa sa mga dahilan kung bakit problema ang child mortality.


(Reported by: Jen-jen Oblefias @ Radio City 105.3 FM (Antioquia-Estacio Komentaryo)) SENATOR LOREN LEGARDA   www.lorenlegarda.com.ph

Monday, October 8, 2012

Organizational Training ng Quezon Reserved Army sinimulan na



Sinimulan na ang pagsasanay ng mga nakilahok o nakiisa sa SBCMT o Special Basic Citizen Military Training, Pangunahing priority nito ang palakasin ang Reserved Army dito sa lalawigan ng Quezon.
Hindi ito isinagawa upang palakasin o palakihin ang pwersa ng kasundaluhang pandigma o panlaban kundi ang maprotektahan at matulungan ang mga kababayan natin sa mga panahon ng sakuna at oras ng kalamidad, gayundin sa pagpapanatili ng kaayusan, katahimikan at pagtulong sa pagsasagawa o pag-lulunsad ng mga proyekto o aktibidad  na mapakikinabangan at makatutulong sa taong bayan.

Samantala nauna na ngang nagsipagtapos sa nasabing pagsasanay ang KALASAG Batch-1 (Lucena) at MATIKAS Batch-2 (Pagbilao) kung saan pinili ang unang batch ng panibagong pagsasanay na tinatawag na OT o Organizational Training.

Sa ngayon nagsasanay ang mga reservist na nag-OT kung saan tinuruan ang mga kalahok ng tamang pagma-martsya o marching sa Grand Stand ng Southern Luzon Command, AFP sa loob ng Camp Guillermo Nakar Lucena City.

Nagtalaga din ng mga opisyal o officers na mamumuno:

PRESIDENT:              Pvt. (Kap.) Leslie Roxas
VICE PRESIDENT:     Pvt. Benjamin “Benjie” Antioquia
SECRETARY:             Pvt. (Kap.) Mardelane “Den-den” Bautista
TREASURER:             Pvt. Mary Jane Jatico
AUDITOR:                  Pvt. Ireneo Dueza
P.R.O:                        Pvt. Wilmar Balbin
                                  Pvt. Eduardo Eleazar
BUS. MANAGER:     Pvt. Neil De Ocampo

BOARD MEMBERS:

          KALASAG (Lucena)                      MATIKAS (Pagbilao)

          Pvt. Rico De Los Rios                    Pvt. Arceo Edrad
          Pvt. Dennis Daleon                        Pvt. Jay-ar Zabala
          Pvt. Ma. Fe Gonzales                    Pvt. Ronaldo Cadolino
          Pvt. Antonio Macale                       Pvt. Rosanna Omalin
          Pvt. Mark Magaling                        Pvt. Elizalde Go
         Pvt. Lailani Salvacion                 Pvt. Ma. Teofista “Tita Peachy” Regaza 

Thursday, October 4, 2012

Cyber Crime Law issue


Mainit na usapin ang kontrobersyal na Republic Act 10175 o ang tinatawag na Cyber Crime Prevention Act.

Matatandaang nilagdaan ni Pangulong Benigno Aquino III ang nasabing batas noong ika-12 ng Setyembre taong 2012.

Kung saan 13 senador ang bumoto upang maipasa ito, kabilang sina: Sen. Tito Sotto, Sen. Bong Revilla, Sen. Manny Villar, Sen. Loren Legarda, Sen. Ping Lacson, Sen. Pia Cayetano, Sen. Ralph Recto, Sen. Lito Lapid, Sen. Koko Pimentel, Sen. Jinggoy Estrada, Sen. Chiz Escudero, Sen. Gringo Honasan at Sen. Bong-bong Marcos.

Pag-sugpo man sa cyber crime  tulad ng: Cyber sex, Illegal Access, Cyber Threats  atbp.,  ang dahilan ng pagsasabatas nito, marami pa rin ang hindi sumang-ayon dahil sa nilalaman ng naturang batas, lalo na at napasok ang kasong on-line libel o libelo,

Para na rin umanong tinanggalan ang mga on-line users ng karapatang sabihin ang kanilang saloobin.

Tuesday, October 2, 2012

28TH YEARS FOUNDING ANNIVERSARY NG 1ST SF BATALLION IPINAGDIWANG SA CANDELARIA QUEZON

Idinaos ang pagdiriwang ng ika-28th Founding Anniversary ng 1st SF Batallion na nakabase sa Brgy. Masin  kamakailan sa bayan ng Candelaria Quezon, kung saan dinaluhan ito ng iba’t ibang personalidad mula sa iba’t ibang sangay.
Naging Guest Speaker sa nasabing okasyon si Regiment  Commander ng Special Forces Airborne, Cor. Donato San Juan II at Deputy Brigade Commander ng 201st Infantry Batallion na si Cor. Narciso Alamag na siya rin namang Commander ng Task Force Lucena.
Nagsidalo rin sa nasabing pagdiriwang sina, Cor. Alex Capeňa, Brigade Commander ng 201st IB, Lt. Cor. Oliver Makiling, Batallion Commander ng 85th IB, Lt. Cor. Edmon Peralta, Batallion Commander ng 76th IB, Mga Hepe ng Pulis ng SF Batallion—Tiaong, Candelaria, Sariaya, Dolores, San Antonio atbp.
Naandon din ang ilang Solcom Staff, Chief of Staff, Cor. Alvin Tiamwat, ni Provincial Director, PSSupt Valeriano T. De Leon, at Mga Military Officers gaya ni Former Commanding General ng Phil. Army na si Retired Lieutenant Gen. Arturo Ortiz, kasama din sina Atty. Jose Mendoza, Bokal Alona Obispo at ilang mga kawani ng DSWD mula sa iba’t ibang bayan.
Nagkaroon din ng awarding o pagkilala sa mga natatangi o reserving Armed Forces personnel at ilang Civilian Sector.
Bukod sa pagdiriwang ng nasabing anibersaryo, nagpasalamat at patuloy na hinihiling sa lahat, na magtulong-tulong sa pagpapanatili ng kaayusan at katahimikan  ng bayan.