Wednesday, November 28, 2012

LEGARDA NABAHALA SA MAAARING PAGTAAS NG TEMPERATURA SA MUNDO


Araw-araw ay kinakaharap ng Pilipinas at maging ng lahat ng tao at iba pang mga nilalang sa mundo, ang pagbabago ng klima o Climate Change.

Ilang mga species ng mga hayop at halaman ang nangangambang maglaho.dahil sa abnormalidad ng panahon, iba’t ibang kalamidad na rin ang nararanasan, ang tag-ulan sa panahon ng tag-araw at tag-araw sa panahon ng tag-ulan.

Nakaka-alarma rin ang lumabas na resulta sa ginawang pag-aaral ng World Bank, kung saan maari umanong tumaas ng 4ยบ celcius  ang temperature sa mundo.

Kung kaya naman patuloy na isinusulong ni Sen. Loren Legarda ang kanyang mga akdang batas na may kaugnayan sa kalikasan, isa na nga dito ang Clean Air Act, kung saan layunin nito na mabawasan at iwasan ang polusyon sa hangin.

Bilang Senate Committee Chairman on Climate Change, hinimok ng Senadora ang mga industrialized country na maglaan ng pondo para sa Green Climate Fund, ito ay sa harap ng nararanasang Climate Change sa buong mundo.

Ang pabago-bagong klima ayon kay Legarda ay magdudulot ng mas malalang epekto sa mga mahihirap na maaaring magbunga ng kasalatan sa supply ng pagkain o kagutuman at mas matinding kahirapan.

Sa kabila ng nararanasang economic crisis sa Europa at Amerika, pina-alalahanan ng senadora na responsibilidad pa rin ng mga industrialized country ang tulungan ang mga bansang vulnerable sa epekto ng climate change kung saan kabilang na nga dito ang Pilipinas.


Reported by: Jen-jen Oblefias @ Radio City 105.3 FM (Antioquia-Estacio Komentaryo) 8:30-9:00 am


Tuesday, November 27, 2012

Serbisyong Suarez para sa Kalusugan nagpapatuloy


Bukod sa ipinamamahaging Health Coupon ng Pamahalaang Panlalawigan ng Quezon, ay nagbibigay din ng libreng “Serbisyong Medikal at Dental (Free Medical and Dental Mission)” sa iba’t ibang bayan.

Layunin ng aktibidad ng Serbisyong Suarez para sa kalusugan, ang makapaghatid ng tulong at serbisyo sa mga taong bayan, kabilang na ang pagbibigay ng libreng konsultasyon at libreng gamot na angkop sa pangangailangan ng tao.

Isa ang bayan ng San Narciso Quezon sa nabigyan ng libreng Serbisyong Medikal at Dental noong ika-22 ng Nobyembre na ginanap sa Brgy. Hall ng Brgy San Juan ng nabanggit na bayan.

Dito ay humigit  limang daang katao ang nakinabang sa libreng Medical and Dental Consultation, kasama na nga ang pamamahagi ng libreng gamot para sa ilang karamdaman gaya ng: highblood, lagnat, sipon, ubo, pamurga, vitamins at iba pa.

Ikinagalak at ipinagpasalamat ng mga mamamayan doon ang naturang programa sa ilalim ng pamumuno ni Gov. David “Jay-jay” Suarez na malaking tulong umano sa naturang lugar.

Ayon sa kapitan ng brgy. na si Ginoong Melquiades Polo, malayo ang ospital sa kanila na nagiging dahilan kung bakit hindi kaagad nakaka-pagpatingin ang kanyang mga kabarangay na may karamdaman at ang ilan ay walang pera upang magpakonsulta.

Patuloy ang pagtulong at pakikiisa  ng mga boluntaryong doctor at dentista katuwang ang mga health workers at ang lokal na pamahalaan sa Free Medical and Mental Mission, na handog sa mamamayan ng  Probinsiya ng Quezon.                             

FREE MEDICAL AND DENTAL MISSION SA SAN NARCISO QUEZON


Bukod sa ipinamamahaging health coupon ng pamahalaang panlalawigan ng Quezon, ay nagbibigay din ng libreng serbisyo o free medical and dental mission, sa iba’t ibang bayan.

Layunin ng aktibidad ng Serbisyong Suarez para sa Kalusugan ang makapaghatid ng tulong at serbisyo sa mga taong bayan, kabilang na ang pagbibigay ng libreng konsultasyon at libreng gamot na angkop sa pangangailangan ng tao.

Isa ang bayan ng San Narciso Quezon sa nabigyan ng libreng serbisyong medikal at dental, noong Nov. 22, 2012 na ginanap sa Brgy. Hall ng Brgy. San Juan ng nabanggit na bayan

Dito ay humigit limang daang katao ang nakinabang sa libreng medical at dental consultation, kasama na nga ang pamamahagi ng libreng gamot para sa ilang karamdaman na gaya ng high blood, lagnat, sipon, ubo, pamurga, vitamins at iba pa

Ikinagalak at ipinagpasalamat ng mga mamamayan sa nasabing bayan ang programang ito ng lokal na pamahalaan, sa ilalim ng pamumuno ni Gov. David “Jay-jay” Suarez, kung saan malaking tulong umano ito sa naturang lugar.

Ayon sa kapitan ng Brgy. San Juan na si Ginoong Melquiades Polo, malayo ang ospital sa kanila,  na nagiging dahilan kung bakit hindi agad nakakapagpatingin ang kanyang mga kabarangay na may karamdaman at ang ilan ay walang pera na ipangbabayad sa pagpapakunsolta.

Patuloy rin ang pagtulong at pakikiisa ng mga boluntaryong doktor at dentista katuwang ang mga Brgy. Health Workers at lokal na pamahalaan sa Free Medical and Dental Mission na handog sa mga mamamayan ng probinsiya ng Quezon.

PANUKALA PARA SA PROTEKSYON NG MGA KABATAAN AT KABABAIHAN ISINUSULONG NI LEGARDA


      Bukod sa pagdiriwang ng ratipikasyon ng Pilipinas sa International Labor Organizations (ILOs) Convention 189 para sa mga kasambahay at pagsulong sa panukalang Expanded Anti-Trafficking Act, ay suportado rin ni Senate President Committee on Foreign Relations, Sen. Loren Legarda ang panawagan ni Ambassador Evan Garcia, kung saan iminumungkahi nito sa ibang bansa ang mabigyang pansin o ratipikahin ang mga kumbensiyon para sa proteksyon ng mga sector o isyu nan aka-aapekto sa maraming kabataan at kababaihan sa buong mundo.

     Tulad ng UN Convention against Transnational Organized Crime (Palermo Convention) at International Labor Organizations (ILOs) Convention 189 para sa mga kasambahay, na niratipikahan nitong nakaraang Agosto.

       Sinabi rin ni Sen. Legarda na ang mga kumbensiyon na ito at ang mga isyung kanilang nais iresolba ay dapat kabilang sa mga prayoridad ng mga mambabatas sa buong mundo.
      
      Si Legarda rin ang nagsulong ng Expanded Anti-Trafficking Act, na layuning magpapalakas sa prosekusyon ng mga aktibidad na may kinalaman sa trafficking at magbibigay ng proteksyon sa mga biktima nito.

        Aniya responsibilidad natin na siguraduhing hindi na mangyayari pa ang ganitong uri ng krimen, sa loob o labas man ng bansa. 


(Reported by: Jen-jen Oblefias @ Radio City 105.3 FM (Antioquia-Estacio Komentaryo -- 8:30-9:00 am)

Monday, November 26, 2012

Awarded



     Nasa ika-9 na araw na ang isinagawang Organizational Training kahapon ng mga Reserve Army ng Quezon sa Camp Guillermo Nakar, Lucena City.

      Binigyan ng Commendation Letter (award) ang nasa 31 reservist ng Pagbilao, kinilala ang mga ito ng Quezon Police Provincial Office (QPPO), Pagbilao Municipal Police Station sa pamumuno ni Police Chief Inspector Arvin Zamora De Asis dahil sa kanilang boluntaryo at pakikiisa sa Pagbilao PNP noong selebrasyon ng All Saints/Souls Day (Oplan: Kaluluwa 2012) sa bayan ng Pagbilao Quezon noong October 31 hanggang November 4, 2012.



(Reported by: Jen-jen Oblefias @ Radio City 105.3 FM (Antioquia-Estacio Komentaryo -- 8:30-9:00 am)

Serbisyong Suarez namahagi ng Health Coupon


Gumaca Quezon – Nasa 59 na barangay ang napag-kalooban ng health coupon ng Serbisyong Suarez-Lingap Kalusugan, na may kabuuang halaga na P590,000.00.

Maaaring gamitin ang nasabing health coupon na pambili ng gamut at pangkunsulta sa mga pampublikong pagamutan.

Ang Formal turn-over ng Ceremonial Cheque ng Health Coupon sa naturang bayan ay ginanap noong Nov. 22, 2012, kung saan pinangunahan ito ni Quezon Gov. David “Jay-jay”  Suarez, kasama sina Gumaca Mayor Erwin Caralian at mga kapitan ng barangay ng Gumaca Quezon.

Tuloy-tuloy ang Serbisyong Suarez sa kanilang Programang Pangkalusugan handog sa mga mamamayan ng Probinsiya ng Quezon.

Reservist Training tuloy-tuloy at Gumaca Quezon napagkalooban ng Health Coupon


Nasa ika-9 na araw na ang isinasagawang Organizational Training ng mga Quezon Reserve Army sa Camp Guillermo Nakar Lucena City.

Nabigyang papuri o parangal ang nasa 31 reservist ng Pagbilao Quezon.

Kinilala ang mga ito ng QPPO Pagbilao  Municipal Police Station, sa pamumuno ni Police Chief Inspector Arvin Zamora De Asis, sa kanilang pakikiisa at boluntaryong pagbibigay ng kanilang oras noong selebrasyon ng All Saints / Souls Day (OPLAN: Kaluluwa 2012) sa bayan ng Pagbilao Quezon noong Oct 31 hanggang Nov. 4, 2012.

Samantala, 59 na Barangay sa Bayan ng Gumaca Quezon ang napagkalooban ng Health Coupon ng Serbisyong Suarez Lingap Kalusugan na may kabuuang halaga na P590,000.00 na maaaring gamitin na pambili ng gamot at pangkonsulta sa mga pampublikong pagamutan.

Ang formal turn-over ng Ceremonial Cheque ng Health Coupon sa naturang bayan ay ginanap noong Nov. 22, 2012 na pinangunahan ni Quezon Gov. David “Jay-jay” Suarez, kasama sina Gumaca Mayor Erwin Caralian at mga kapitan ng brgy. ng Gumaca Quezon.

Thursday, November 22, 2012

Problema sa Lansangan


Hindi na nga nauubos ang mga problema sa kalsada, tulad ng Problema sa Trapiko, tadtadin man ng napakaraming Traffic Signs ang bawat kanto ng mga kalsada sa bawat bayan ay hindi pa rin ito napapansin hanggang sa mabulok na lamang ang mga materyales na ginamit dito.

Kapag nga sumapit na ang gabi ay wala ng Traffic Violation dahil wala ng manghuhuli, bukod pa dito anumang oras basta’t walang pulis na manghuhuli ay hantaran na ang makikitang paglabag sa batas.

Pangkaraniwan na nga ang ganito sa bahagi ng mga public market, kung saan nagkalat ang mga tindero at tindera na halos sakupin na ang buong kalsada, nagsusulputan din ang mga illegal parking, illegal terminal at kung anu-ano pa. Kung may pulis nagkakaroon naman ng kaso ng pangongotong.

Napakadami nga ng kamalian o paglabag sa mga ipinatutupad na batas na kung papansinin lamang natin ay hantaran na sa mga lansangan.

Ang pagpapaigting ng mga batas, pakikiisa at maayos na pagsunod ng mga mamamayan ang tanging solusyon upang mapatupad ng maayos ang mga ipinatutupad na batas.     

Tuesday, November 20, 2012

Negosyo sa kanayunan suportahan


Ayon sa survey, patuloy umano sa pag- ganda ang ekonomiya ng ating bansa, ngunit nasa 42% pa rin ang populasyon ng na nanatiling mahira, halos mga mayayaman lamang o nabibilang sa middle class ang nakararamdam ng pag-unlad.

Bunsod ng nabanggit na problema ay sinuportahan ni Senator Loren Legarda ang panawagan  ng Managing Director ng International Monetary Fund (IMF) na si Christine Lagarde, ayon sa kanya dapat umanong isaalang-alang ng Pilipinas ang pagsuporta sa mga maliliit na hanapbuhay upang malabanan ang kahirapan.

Kailangan umanong bigyang pansin ang pagpapalawak ng ating yaman, upang makasiguro na lahat ay makakaramdam ng pag-unlad.

Dapat bigyan ng suporta ang mga hanapbuhay at negosyo sa kanayunan, kung saan kailangang mamuhunan at siguraduhin ang paglago ng MSMEs o Micro, Small & Medium Enterprises na magbibigay ng karagdagang trabaho para sa nakararami.

Mahalaga rin ang mga training programs sa mga barangay upang hikayatin ang mga mamamayan na sumubok na magtayo ng sariling negosyo.

Dapat umanong bigyan ng suportang Pinansyal at Teknikal ang mga mangingisda at magsasaka.

Ang mga ahensiya ng Gobyerno tulad ng: Kagawaran ng Kalakalan at Industriya, Kagawaran ng Paggawa at Empleyo at Kagawaran ng Pagsasaka ay nagsama-sama para sa maayos na pagpapatupad ng mga batas, para sa mga hanapbuhay sa kanayunan.

Patuloy rin ang panawagan ni Sen. Loren Legarda sa pagpapatupad ng kanyang mga akdang batas, gaya ng: Micro, Small and Medium Enterprises Act (RA 9501), Brgy. Kabuhayan Act (RA 9509) at ang Agri-Agra Reform Credit Act.

Layunin nito na matulungan ang mga Pilipino upang makapagtayo ng sariling negosyo o pangkabuhayan.

Monday, November 19, 2012

Organizational Traning ng Reservist nasa ika-8 araw na

SSgt. Ramon Lasay (left) SSgt. Reynaldo Angala (right) of Task Force Lucena


      Nasa ika-8 araw na nga, ang isinagawang pagsasanay kahapon ng mga Ready Reserved Army ng Quezon.

      Tinalakay sa semi-finals attendance, 8th Organizational Training day, ang Map Reading at Patrolling.

       Unang nagsagawa ng lecture si SSgt. Ramon Lasay ng Task Force Lucena, tinalakay at itinuro niya ang tungkol sa paggamit at pagbabasa ng mapa o “Map Reading”.

      Sinundan ito ng Lecture tungkol sa “Patrolling” ni SSgt. Reynaldo Angala ng Task Force Lucena.

       Umaasa ang mga lecturer na matutulungan nila ang mga reservist upang madagdagan ang kanilang kaalaman tungkol sa mga gawaing militar o military tactics.

      Dahil sa nalalapit na pagtatapos ng 10 days Organizational Training na isinasagawa tuwing araw ng linggo sa CDC ng Camp Guillermo Nakar, Lucena City ay pinaghahandaan na rin ng tropa ang tamang pagmamartsya o marching, pati na rin ang ilang mga plano tulad ng presentasyon o presentation sa nalalapit na Graduation day.    


Hanap-buhay para sa mga OFWs handog ng Villar Foundation


    Hindi nga lamang sa pagpapabalik o pagpapa-uwi sa ating bansa ng mga Overseas Filipino Workers (OFWs) na inabuso ng kanilang mga amo nakatutok ang gawain ng Villar Foundation, kundi pati na rin sa pagtulong sa mga ito at sa kanilang mga pamilya na makapag-simula ng bagong buhay.

       Marami ngang Pilipino ang nakipag-sapalaran sa ibang bansa, ngunit marami rin dito ang hindi pinalad, kung kaya naman gustong ipakita ng Villar Foundation na maaari silang magnegosyo na lamang dito sa sariling bayan, dahil may maliit namang Business Enterprises na pwede nilang simulan kung sila’y magkakaroon lamang ng tamang kaalaman.

       Dagdag pa ni running for senator, dating Las Piรฑas Rep. Cynthia Villar, naging katuwang at kaugnay ang Ople Center, ng gawaing ito kung saan tinuruan ang mga OFWs ng bagong kaalaman para sa kanilang kabuhayan.

        Bunsod pa nito nagsasagawa din ng taunang OFW summit.

       Sa Nov. 22, 2012 nga ay isasagawa ito sa World Trade Center sa Pasay, layunin nito na mai-angat ang buhay ng ating mga OFWs sa pamamagitan ng pagnenegosyo.

OFWs tinulungang mapa-uwi ng Villar Foundation


       Sa tulong ng Villar Foundation at iba pang kaugnay na ahensya ng pamahalaan, gaya ng Dept. of Foreign Affairs, Dept. of Labor and Employment, Overseas Workers’ Welfare Administration (OWWA), Blas Ople Center at ng Migrante ay libu-libong Overseas Filipino Workers (OFWs) na dumanas ng iba’t ibang uri ng pagpapahirap at pang-aabuso mula sa kanilang amo ang napabalik na sa bansa. Kabilang na nga dito ang 10 OFWs galing Riyadh, Kingdom of Saudi Arabia.

       Ang programa o gawain na ito ng Villar Foundation sa pangunguna ng Managing Director nito na si dating Las Piรฑas Rep. Cynthia Villar, ay naglalayong matulungan at mapabalik ang mga OFWs na humingi ng saklolo dahil sa pang-aabuso ng amo.

       Tiniyak ni Villar na tutulungan ang mga Pilipino na mapauwi at ang kanilang pamilya para makapag simula ng bagong buhay, alinsunod pa rin sa isinusulong na mga adhikain ng Villar Foundation.

       Lubos ang pasasalamat at kagalakan ng mga napauwing OFWs dahil sa pagtulong sa kanila.

Friday, November 16, 2012

Malaria Cases bumababa (Quezon Province)



Mula sa bilang na 364 na malaria cases sa probinsiya ng Quezon, patuloy na bumaba ang bilang ng sakit na ito sa kasalukuyan.

Ito ay bunsod ng programang patuloy  na ipinatutupad  ni Gov. David Jayjay Suarez sa pamamagitan ng tanggapan ng Integrated Provincial Health Office (IPHO) sa pangunguna ni Dr. Agripino Tullas

Ang malaria nga ay ang pinaka kilalang sakit na makukuha tuwing panahon ng tag-ulan na galing sa mga babaeng lamok.

Sinasabing ang Malaria ang pinakadelikadong sakit sa india na kumitil na sa maraming buhay doon.
Malalamang ikaw ay apektado ng naturang sakit kung nakararamdam ka ng sintomas gaya ng pabalik-balik na lagnat, panginginig, pananakit ng katawan at panghihina.

At bilang pagtugon sa suliraning pangkalusugan kaugnay ng sakit na ito ay nagsagawa at nagtatag ng Provincial Malaria Monitoring Team sa pangunguna ni Gov. Suarez, kung saan umiikot ito sa bawat bayan at bawat barangay sa buong lalawigan ng Quezon.

Bukod sa spray ng mga kemikal na panlaban sa lamok na nagdadala ng malaria, namimigay din ng libreng kulambong merong insecticide ang grupo, sa bawat pamilyang apektado ng outbreak.

Pangunahing gawain ng monitoring team ay ang magsagawa ng malaria awareness forum na kung saan ay kanilang itinuturo sa bawat mamamayan ang mga pangunahing gawain kung papaano maiiwasan ang pagkakasakit ng malaria o ang maagap na pagpigil kung sakaling magkakaroon ng malaria outbreak.

Sa tala ng kaso ng malaria cases sa buong lalawigan bumaba ito ng 246 noong taong 2010, naging 74 cases noong 2011 at sa ngayon makalipas ang dalawang taon ito ay bumaba na sa 17 cases na lamang at wala na rin umanong naitalang bilang ng namatay dahil sa sakit na malaria.

Animal Medical Mission isinagawa ng libre


Nasa humigit kumulang apa’t na libo o 4,000 ang naitalang nabakunahan o naturukang mga hayop,  ng libreng Anti Rabies, kamakailan sa bayan ng Candelaria, Quezon.

Personal na tinungo ng ilang pet owners ang munisipyo ng naturang bayan, dala ang kanilang mga alagang aso para sa libreng bakuna, kung saan 306 ang matagumpay na naturukan ng anti-rabies.

Samantala ang iba naman na may mga alagang baboy, baka, kalabaw atbp na hayop ay humingi nalamang ng gamot, tulad ng bitamina, pamurga o pang-alis ng kuto,  na maaaring gamitin o ibigay sa kanilang mga alaga.
Ang gawaing ito ay alinsunod sa mga proyekto at programa ng local na pamahalaan ng Quezon, sa ilalim ng pamumuno ni Gov. David “Jay-jay” Suarez.

Ang Animal Medical Mission na ito ay naglalayong makamit, ng lalawigan, ang pagiging Rabies Free ng Probinsiya at matutukan ang kalusugan ng mga alagang hayop na nakakaapekto sa kapaligiran,  katuwang ang Provincial Veterinary Office

Ayon Kay Animal Health Division, Head Rodelito Pamular, patuloy ang taos puso nilang paglilingkod upang mapangalagaan ang kalusugan ng mga alagang hayop, nagpasalamat din siya sa suportang ipinagkaloob ng Ama ng lalawigan sa bawat munisipalidad.



Thursday, November 15, 2012

Environmental Program tuloy-tuloy sa Probinsiya ng Quezon

Patuloy na isinasagawa ang iba't ibang programa at aktibidad ng pamahalaang panlalawigan ng Quezon.

Kabilang na sa mga programang ito ay ang proyektong may kaugnayan sa ating kalikasan.

Sa pamamagitan ng lokal na pamahalaan katuwang ang Provincial Government  Environment and Natural Resources Office (PG-ENRO) ay patuloy ang monitoring o pagtutok sa mga environmental programs.

Kabilang na nga ay ang mga puno ng bakawan na itinanim sa mga baybaying dagat noong June 30, 2012, alinsunod sa programang pagtatanim sa buong lalawigan.

Layunin nito na siguraduhin, na sa darating na panahon ay malalaman ang kahalagahan nito sa atin.

Samantala patuloy nang isinusulong o ipinatutupad ang Solid Waste Management System sa lahat ng tanggapan ng Pamahalaang Panlalawigan na nakatakda na ring ipatupad sa bawat munisipalidad.

Patuloy na rin ang paghikayat ng mga lokal na pinuno ng bayan sa kanilang mga mamamayan na iwasan na rin ang paggamit ng plastic kundi mga recyclable materials, na lamang.

Saturday, November 10, 2012

Blood Letting Program isinagawa - Pagbilao



Blood Letting Program @ 
Brgy. Tambak, Pagbilao Quezon

"Dugong Bigay Mo, Dugtong sa Buhay Ko"


Pagbilao Quezon - Naging maayos at matagumpay ang isinagawang half day na Blood Letting Program sa Brgy. Tambak, kung saan nasa humigit kumulang  limampu (50) katao ang naging participants, ngunit nasa dalawampu't dalawa (22) lamang ang nakuhanan ng dugo.

Ilan sa mga kadahilanan ay high blood, low blood, naka-inom o di kaya'y may hang-over.

Ginanap ito sa Brgy. Hall ng nasabing lugar kung saan ito ay suportado ng punong brgy. na si Brgy. Captain Luisito Merjudio (Matikas Reserved Army), mga Brgy. Officials at Mr. Warren Medrano (Matikas Reserved Army) na syang coordinator sa Philippine Red Cross, Lucena Chapter.

Nakilahok din sa naturang programa ang ilan pang Quezon-Reservist na sina: Sgt. Julieta Roperez, Pvt. Rosana Omalin, Pvt. Edwin Caliao at Pvt. Carl Aldrin Buencamino.