BAYANG MAPAGMALASAKIT PROJECT, HUMIGIT 2,000 SARIAYAHIN NA ANG NATULUNGAN

Bayang Mapagmalasakit Project sa Brgy. Concepcion Pinagbakuran

Upang mas mapalapit sa tao ang pamahalaan, isang proyekto ang inilulunsad ngayon sa bayan ng Sariaya Quezon, sa pangunguna ni Mayor Rosauro “Boyet” V. Masilang.

Sa pamamagitan ng pakikipag-ugnayan sa mga barangay ay naipagkakaloob sa mamamayan ang “Bayang Mapagmalasakit Project”.

Kung saan dito nagkakaroon ng Community Forum, On-Site Delivery of Services at Turn-over of Project Assistance.

Ang mga Serbisyong ibinibigay dito ay Free Registration of Birth, Job Recruitment, Free Medical and Dental Service, Free Haircut (Libreng Gupit), Free Circumcision (Libreng Tuli) at Animal Vaccination.

Anim (6) na sa 43 barangay dito ang nabisita ng Lokal na pamahalaan, kung saan humigit 2,000 na ang natulungan ng iba’t ibang serbisyo na dinala sa mga barangay, gaya ng: Brgy. Mamala I (Kap. Ernesto D. Remo), Brgy. Sampaloc II (Kap. Aristeo M. Ilao), Brgy. Lutucan I (Kap. Juanita Reyes), Brgy. Gibanga (Kap. Mateo R. Nollen Jr.), Brgy. Manggalang Kiling (Kap. Reynaldo C. Malabanan) at Brgy. Concepcion Pinagbakuran (Kap. Pedro C. Manongsong).

Humigit 600 ang natulungan ng Free Medical and Dental Services, nasa 100 mahigit ang nagparehistro sa Free Birth Registration at tumaas ng nasa 538 ang bilang ng nagpagupit matanda man o bata.

Madami rin ang nakapag-patuli sa Free Circumcision Service habang umakyat na rin ang bilang ng pinaturukang hayop sa Free Animal Vaccination.

Bukod sa Libreng Serbisyo (On-Site Delivery of Services), nagkaloob rin ang Sariaya Local Government Units (LGUs) ng First Aid Kit, Spire Board, ilang sako ng Fertilizers (organic and inorganic), packs of groceries at mga pananim na buto o binhi. 

Assorted farm tools ang karagdagang ipinagkaloob sa Brgy. Gibanga habang nabigyan din ng semento at toilet bowls ang Brgy. M. Kiling.

Tig-isangdaan (100) na piraso naman na bakal (rebar) at guyabano seedlings ang naibigay pa sa Brgy. C. Pinagbakuran.

At 150 piraso ng Fruit bearing Trees Seedlings ang ipinamahagi sa Brgy. Mamala I, mga seedlings ng Lansones kung saan, 160 pcs. sa Sampaloc II at 150 pcs. sa Lutucan I ang ibinigay.

Katuwang ng Lokal na pamahalaan ang iba’t ibang grupo sa pagsasa-ayos ng aktibidad na ito, kabilang ang  Local Disaster Risk Reduction and Management Office - Emergency Response Team (LDRRMO-ERT), Sariaya Municipal Police Station, Sariaya Municipal Fire Station, Army (85th Infantry Battalion ng 2nd Infantry Division), Bantay ng Bayan at Kabalikat Civicom (999) Sariaya Chapter.

Asahan na magpapatuloy ang Bayang Mapagmalasakit Project 2015 at madaragdagan pa ang bilang ng mga Sariayahin na matutulungan nito.

Reported by: JEN-JEN OBLEFIAS

Bilang ng mga Lolo at Lola na kumuha ng Senior Citizens ID tumaas kasabay ng pagpapa-enrol ng Philhealth membership sa bayan ng Sariaya quezon

Tumaas ang bilang ng mga lolo at lola na nag-aabyad ng kanilang Senior Citizens ID sa Bayan ng Sariaya Quezon.

Ayon sa presidente ng Office of the Senior Citizens Affair (OSCA) na si Ginang Luisita P. Reña, sa pagpasok ng taong 2015 ay mas marami ang kumuha ng Senior Citizens ID kasabay ng pagpapa-enrol ng Philhealth Membership.

Dahil ngayon lamang nabigyan ng pansin at nalaman ng ilang mga seniors ang kahalagahan nito, lalong lalo na ng mga nakatira sa linang o malayo sa kabayanan.

Dati ay hindi pa sapat ang kaalaman nila at sa kung ano ang mabibinepisyo nila dito, gaya ng pagkakaroon ng discount sa pamasahe, gamot at iba pa.

Ang karamihan dito ay ang mga nakatatanda na may edad 80 years old pataas, mga ipinanganak noong taong 1927 hanggang 1932.

Sa kasalukuyan ay patuloy ang pagtanggap ng OSCA sa mga kumukuha ng Senior Citizens ID at nagpaparehistro ng PhilHealth Membership.

Hinihikayat din ng nasabing pamunuan sa pangunguna ni Ginang Reña ang iba pang mga hindi pa miyembro na magpatala na. 

Reported by: Jen-jen Oblefias

Mga Batas at Alituntunin sa Pagbebenta ng Karne, mahigpit na ipinatutupad sa Pamilihan ng Sariaya Quezon

Mahigpit na ipinatutupad ang mga batas at alituntunin hinggil sa pagbebenta ng karne sa bayan ng Sariaya Quezon, upang siguraduhin na malinis at ligtas ang mga ito na ibinebenta sa pamilihan.

Ang ilan sa mga batas na ito ay ang DA- Administrative Order No. 5 o ang malinis na paghahanda ng bagong katay na karne sa pamilihan, kung saan dapat manatili sa lugar ng bentahan ang karne sa loob lamang ng walong (8) oras magmula sa oras ng pagkatay na nakasaad sa Meat Inspection Certificate.

Habang ang DA- Administrative Order No.6 ay nagsasaad na dapat malinis ang paghahanda ng Pinalamig (Chilled), Ilado (Frozen) at Pinalambot (Thawed) na karne sa pamilihan.

Ang Frozen Meat ay dapat nakalagay sa loob ng tamang lalagyan na makakapanatili sa temperatura ng karne mula 0°C hanggang 5°C (freezer, chiller at iba pa), hindi dapat ito ibenta kung direktang nakapatong sa lamesa lamang.

Ipinagbabawal din ang pagbebenta ng Buffalo Meat at Botcha at kung hindi nakasisiguro sa kaligtasan ng karneng de lata ay maaari itong ipagbigay alam sa kina-uukulan.

Ang mga lalabag o hindi susunod sa mga nabanggit na alituntunin ay papatawan ng karampatang parusa, gaya ng pagkumpiska ng karne, multa o pagkakakulong alinsunod sa batas sa ilalim ng RA 10536.

Reported by: Jen-jen Oblefias

Ayuda para mapangalagaan ang kalusugan ng mga Senior Citizens sa bayan ng Sariaya Quezon naisabatas na sa pamamagitan ng pagbibigay ng Philhealth

Bukod sa Senior Citizens ID na nagagamit na ng mga nakatatanda sa bayan ng Sariaya Quezon, nabigyan na rin sila ng sapat na ayuda para mapangalagaan ang kanilang kalusugan ng maisabatas ang panukalang mabigyan sila ng lahat ng benepisyo mula sa Philhealth.

Ito ay sa ilalim ng Mandatory Philhealth Coverage for Senior Citizens (RA 10645) na pwede nilang magamit sa pagpapatingin at pagpapagamot sa pampubliko o pribadong ospital.

Patuloy ang pagpaparehistro ng mga lolo at lola sa bayang nabanggit sa tanggapan ng Office of the Senior Citizens Affair (OSCA).

Kaugnay nito magsasagawa ng isang Free Medical Prostate Examination for male senior citizens sa nabanggit na bayan.



Reported by: Jen-jen Oblefias

Naisabatas na “Mandatory Philhealth Coverage for Senior Citizens” mapapakinabangan na ng mga nakatatanda sa bayan ng Sariaya Quezon

Para mabigyan ng magandang kinabukasan ang ating mga kababayan, isa ang pangangalaga ng kalusugan ng ating mga mamamayan ang isinasaalang-alang lalo na sa mga nakatatanda.

Naisabatas na ang panukala na mabigyan ng lahat ng benepisyo mula sa Philhealth ang mga lolo at lola upang mapangalagaan ang kanilang kalusugan.

Ito ay sa ilalim ng RA 10645 o Mandatory Philhealth Coverage for Senior Citizens na nilagdaan ni President Noynoy Aquino noong November 5, 2014.

Samantala ang Senior Citizens ID na karaniwan ng ginagamit ng mga nakatatanda na may edad 60 pataas upang makakuha ng discount ay pwede na ring magamit sa kanilang pagpapatingin o pagpapagamot sa mga public o private hospital para sa tulong na makukuha mula sa Philhealth.

Sa kasalukuyan, isa ang bayan ng Sariaya Quezon sa mga bayan na nabiyayaan ng nasabing benepisyo na in-implement noong nakaraang taon.

Patuloy ang pagtanggap ng mga nagpapa-enrol sa Philhealth Membership na senior, sa tanggapan ng Office of the Senior Citizens Affair (OSCA) hanggang sa ang lahat ng mga nakatatanda ay maging miyembro na nito.

Reported by: Jen-jen Oblefias

Philhealth benefits ipinagkaloob na sa mga Senior Citizens sa bayan ng Sariaya Quezon

Ikinatuwa at ipinagpasalamat ng mga lolo at lola sa bayan ng Sariaya Quezon ang ipinagkaloob na Philhealth Membership sa kanila.

Ayon sa isang senior na si nanay Pacing, nagsimula ito sa unang buwan ng taong kasalukuyan at ngayong Enero ay masasabing maganda umano itong balita sa kanilang mga may edad na.

Ilan sa mga requirements sa pagpapa-enrol nito ay ang pagpi fill-up ng form para sa registration, 1x1 picture at xerox copy ng Senior Citizens ID.

Ang mga P.R.O ng senior sa bawat barangay ang mangongolekta nito at ibibigay sa kanilang presidente na sya namang magdadala sa tanggapan ng Office of the Senior Citizens Affair sa OSCA President na si Ginang Luisita P. Reña.

Samantala pinalitan na rin ang Senior Citizens ID na kung saan ang dating middle initial lamang ay binuo na ang middle name at ang araw ng kapanganakan.

Sa kasalukuyan patuloy ang pagpaparehistro o pagpapatala ng mga seniors, ito ay magpapatuloy hanggang sa ang lahat ng mga Senior Citizens ay magkaroon ng Philhealth upang mapakinabangan ang mga benepisyo.      

Reported by: Jen-jen Oblefias

PhilHealth Distribution sa bayan ng Sariaya

FREE MEDICAL MISSION ON GOING

SUPPLEMENTAL FEEDING PROGRAM SA SARIAYA QUEZON

“Malayong-malayo ang bayan ng Sariaya sa Malnutrition problem”, ito ang tiniyak ni MSWD Officer Antonio C. Calatrava.

Bunsod ito ng patuloy na pagsasagawa ng Supplemental Feeding Program ng lokal na pamahalaan ng Sariaya Quezon sa pamamagitan ng tanggapan ng Municipal Social Welfare and Development Office.

Layunin ng naturang programa na maitaas ang antas ng timbang ng mga underweight o malnourish na bata.

Sa ngayon ay nasa humigit kumulang 3,000 bata ang pinakakain araw-araw simula lunes hanggang biyernes sa loob ng day care center at ito ay aabot ng 120 days na pagpapakain.

Upang siguraduhin na patuloy na maisasagawa ito ng maayos ay nagkakaroon ng mga orientation, consultation at mga pagpupulong ang local government units kasama ang mga brgy. Officials, day care workers, health workers at mga magulang ng mga bata sa mga day care center ng bawat barangay.

Regular na tinitimbang ng mga health personnel ang mga bata upang malaman ang kanilang nutritional status, at ang mga magulang o day care parent groups ang nakatalaga sa food preparation ng mga masusustansiyang pagkain.

Habang ang day care workers naman ang nagtuturo sa mga bata ng proper hygiene, table manners at simpleng konsepto sa pangangalaga ng kalusugan at nutrisyon.

Dahil sa may tamang sistema ng pagpapatupad o implementation ng programa, naging pilot ang bayan ng Sariaya dahil isa ito sa binisita ng Regional Office Nutritionist ng DSWD, dito na kita ang maayos o magandang implementsayon na pagkakaroon ng feeding program.

At sa kasalukuyan ay may ginagawang project proposal para sa taong 2013-2014 ang MSWDO o Municipal Social Welfare and Development Office para sa patuloy at maagap na pagbibigay ng tulong na “Supplemental Feeding Program”, kung saan ang pondo ay umaabot ng 3.9 milyon pesos.

SARIAYA 4 Ps BENEFICIARIES TUMAAS

Tumaas ng 3,939 ang beneficiaries ng 4 P’s o Pantawid Pamilyang Pilipino Program sa bayan ng Sariaya Quezon mula sa bilang na 3,200 noong nakaraang taon. 

Ang programa ay nasa ika-2 taon ng ipinapatupad ng lokal na pamahalaan dito para sa pamilya na may hanggang 3 bilang na anak na edad hanggang 14 na taong gulang.

 
May Municipal Advisory Committee na nagsasagawa ng pagpupulong upang pag-usapan ang kalagayan ng mga beneficiaries ng 4Ps, Ang Family Development Session (FDS) ay pina-aalalahanan ang mga benepisaryo tungkol sa mga obligasyon nila at ang nasabing programa ay para sa kalusugan at edukasyon ng mga bata.

Hindi rin kinukuhanan ng bayad ang mga miyembro ng 4 Ps alisunod sa ”No Collection Policy” ng munisipalidad,

Basta palagi nilang dadalhin ang Pantawid Pamilya ID hindi lamang sa pagbabayad kundi pati na sa transaksyon nila sa munisipyo.

Sa kasalukuyan isang ATM Machine ang itinatayo sa Sariaya bilang tulong sa mga nakuha ng Cash Transfer ng 4 Ps, upang hindi na sila gumastos ng pamasahe sa pagpunta sa Lucena City o Candelaria Quezon upang kumuha ng pera sa bangko.

PHILHEALTH BENEFICIARIES NADAGDAGAN

Umabot na ng 4,000 beneficiaries ang Philhealth sa ngayon sa bayan ng Sariaya mula pa noong nakaraang Jan 2012. 

Sa unang bugso ng PhilHealth sa nabanggit na bayan ay pumili lamang ang lokal na pamahalaan ng tig-29 na benificiaries sa bawat barangay, dito nila napag-alaman na marami pa ang nangangailangan, kung kaya naman ay dinagdagan ito hanggang sa umabot na nga ng nasa humigit 4,000 na nakikinabang sa ngayon.

Ipinasok ito sa Lock-in Program kung saan sa pamamagitan nito ay mapapahaba pa ang Philhealth period ng bawat miyembro o beneficiaries.

Nasa 7 milyong piso ang inilaang pondo ng Punong Bayan dito.

Nagkaroon ng quarterly para hindi ganoon kabigat ang pagbabayad, 25% na ang nabayaran noong nakaraang taon.

May ibinigay ding budget ang punong bayan na nasa 4.2 milyon na additional para sa lock-in Program at ngayong Pebrero ay idadagdag ang natirang budget na umaabot ng nasa P600,000.00.para sa pambayad sa natitirang 75% utang,  

Dahil dito 500 pa ang pwedeng maging sponsored PhilHealth Benificiaries sa bayan ng Sariaya.

Tinatayang ngayong Pebrero ay nasa 4,800 na ang magiging Philhealth benificiaries sa taong ito.

Kababaihan at Family Planning pinahahalagahan sa bayan ng Sariaya

Isa ang bayan ng Sariaya Quezon sa mga aktibong bayan na may samahan ng mga kababaihan na tinatawag na Sariaya Women’s Federation.

Kung kaya naman malaki ang pagpapahalaga sa mga kababaihan dito, may mga proyekto o programa para sa kanila gaya ng: “Pangkabuhayan Project for Women” kung saan tinutulungan o tinuturuan sila ng mga bagay na maaari nilang pagkakitaan tulad ng paggawa ng bag mula sa buli.

Ang Kalipunan ng Liping Pilipina o KALIPI Members at miyembro ng Kababaihan sa bukid naman ay hinihikayat na mag-organic farming, binibigyan din sila ng kaalaman sa iba pang livelihood programs bilang karagdagan kita at tulong sa kanilang pamilya.

Katuwang sa mga programa at proyekto para sa kababaihan si Gng. Rowena Z. Masilang, ang tanggapan ng Dept. of Social Welfare and Development, Dept. of Agriculture at iba pa.

At dahil sa ang mga kababaihan ang isa sa sangkap ng pagbuo ng pamilya, binibigyang pansin din ang Family Planning na isa rin sa health concern ng bayan ng Sariaya.

Ang mag-asawa ay hinihikayat na gumamit ng natural method o natural na pamamaraan at contraceptives upang maiwasan ang paglaki ng bilang ng mga anak na hindi naman kayang tustusan ng mag-asawa. May mga health workers sa mga barangay na maaaring kausapin tungkol dito.

Magkatuwang ang Municipal Social Welfare at Dept. of Health sa pagtuturo o pagbibigay ng kaalaman tungkol sa tamang Family Planning o TAMANG Pagpaplano ng Pamilya.

Reported by: Jen-jen Oblefias @ Radio City 105.3 FM (Antioquia-Estacio Komentaryo) 8:30-9:00 am

Programa at proyekto tuloy-tuloy sa Sariaya Quezon

Patuloy ang mga proyekto at mga programa ng Social Welfare and Health Department, ng lokal na pamahalaan ng bayan ng Sariaya Quezon.

Gaya ng 4 Ps o Pantawid Pamilyang Pilipino Program na nasa ika-2 taon ng ipinatutupad, tumaas ng 3,939 ang beneficiaries nito mula sa bilang na 3,200 noong nakaraang taon.

Sa kasalukuyan isang ATM Machine ang itinatayo sa Sariaya bilang tulong sa mga nakuha ng Cash Transfer ng 4 Ps, upang hindi na sila gumastos ng pamasahe sa pagpunta sa Lucena City o Candelaria Quezon upang kumuha ng pera sa bangko.

Bilang tugon naman sa kalusugan, ipinatutupad ang Supplemental Feeding Program ng Social Welfare and Development. Layunin nito na maitaas ang antas ng timbang ng mga underweight o malnourished na bata sa day care center.

Ayon kay Mr, Antonio C, Calatrava, MSWD Officer ng Sariaya, nasa humigit kumulang 3,000 bata na ang pinakakain mula lunes hanggang biyernes sa loob ng day care center kung saan aabot ng 120 days ang pagpapakain.

Sa pagtutulungan ng lokal na pamahalaan at ng mga magulang ay patuloy na mabibigyan ng sapat na nutrisyon at masusustansyang pagkain ang mga bata.

Samantala bukod sa mga nabanggit na programa, binibigyang pansin din ng lokal na pamahalaan ang mga Senior Citizen at Person With Disability (PWD).

Noon ngang nakaraang taon ay nagkaloob ng Assistive Device o pantulong para sa mobility ng mga disabled person tulad ng wheelchair na nagagamit na nga ng may kapansanan.

Bukod sa Senior Citizen ID, meron din na ipinamamahaging ID para sa mga may kapansanan kung saan makaka-discount sila ng 20% sa pagsakay, pagkain at iba pa.

May 1% fund din na inilaan para sa mga senior citizen na kanilang magagamit. Kaugnay dito bukas ang tanggapang ng Municipal Social Welfare and Development Office at Philhealth para sa mga mamamayan ng Sariaya.

Reported by: Jen-jen Oblefias @ Radio City 105.3 FM (Antioquia-Estacio Komentaryo) 8:30-9:00 am

Serbisyong Suarez para sa Kalusugan ng mga taga-Lopez Quezon

Lopez Quezon - 95 Barangay sa bayang ito ang nabigyan ng health coupon mula sa Pamahalaang Panlalawigan kung saan isa ito sa mga proyekto ng Serbisyong Suarez para sa kalusugan, kasabay ng pagdiriwang ng ika-15th Founding Anniversary ng Brgy. Kagawad Association of the Philippines (BKAP-Lopez Chapter) na binubuo ng 600 katao.

Ito ay isinagawa kamakailan sa municipal covered court ng nabanggit na bayan.

Ang lingap kalusugan na naipamahagi ay nagkakahalaga ng P2,375,000.00, kung saan tig P25,000.00 kada brgy.

Bukod sa Serbisyong Suarez Health Coupon ay ginawa na rin ang paglalagay ng bubong sa Pamilihang Bayan ng naturang munisipalidad, bilang tugon sa ipinangako ni Quezon Gov. David "Jay-jay" C. Suarez sa mga taga roon.

Sa mensahe ng Ama ng Lalawigan, sinabi niya na ang pagpaparamdam at pagpapa-abot ng mga programa ng Pamahalaang Panlalawigan sa bawat isang Quezonian ang layunin ng Serbisyong Suarez at malaki ang gampaning papel ng mga opisyal ng brgy. sa pagpapatupad nito dahil higit na alam nila ang pangangailangan ng kanilang mga nasasakupan.

Magpapatayo rin ng dormitoryo para sa Quezon Provincial Training Center at ilang mga Farm to Market Road na magagamit ng mga taga-Lopez Quezon.

Reported by: Jen-jen Oblefias @ Radio City 105.3 FM (Antioquia-Estacio Komentaryo) 8:30-9:00 am

TB Control sa Lalawigan ng Quezon sinimulan na

Ang TB o ang Tuberculosis nga ay isa sa mga sakit na nagiging sanhi ng pagkamatay ng mga Pilipino.

Ito ay  nagmumula sa mikrobyo na kung tawagin ay “mycobacterium tuberculosis”, ang mikrobyong ito ay mula sa plemang nagmula sa baga ng  maysakit, hindi ito katulad ng ordinaryong sipon at ubo sapagkat  ito ay sanhi ng bacteria na hindi gumagaling nang walang tamang gamutan.

Dahil sa binibigyang importansiya ni Quezon Gov. David “Jayjay”Suarez ang kalusugan ng bawat mamamayan ng Quezon katuwang ang Serbisyong Suarez para sa Kalusugan ay ikinatuwa niya ang  pakikipag-ugnayan sa pamahalaang panlalawigan ng mga bumubuo ng   “Innovations and Multisectoral Partnerships to Achieve Control of TB" (IMPACT) para sa pagsugpo ng sakit na tuberculosis o TB.

Layunin nito na mapalakas  ang programa  sa pagsugpo ng naturang sakit. Base sa kanilang pag-aaral ay ika-siyam  ang Pilipinas sa buong mundo na may mataas  na kaso  ng TB at ika-anim naman sa nagiging sanhi  ng  pagkamatay  ng  mga Pilipino.

Ito ang bagong sinusuportahang TB Control Project  ng  USAID sa loob  ng  limang taon simula noong October 2012 hanggang September 2017, ayon kina Dr. Jocelyn Cabarles at Dr. Karen Dalawangbayan, kasunod na proyekto, pagkatapos  ng  “Linking Initiatives and Networking to Control TB” (TB LINC).

Ayon kay NTP Medical Coordinators, Dr. Erlinda Plotria ng Chest Clinic, sisimulan ang naturang programa sa pamamagitan  ng  pagsasagawa  ng  situational analysis sa Feb. 25 –Feb. 28, 2013 sa buong lalawigan at magkakaroon  ng  overall TB assessment na magiging basehan  ng  kinakailangang intervention at prioritization  ng  isang lugar.

Ang IMPACT ay pinamamahalaan ng Philippine Business for Social Progress (PBSP), non-government organization na nagkakaloob ng technical assistance sa National TB Control Program.

Sa tulong ng Provincial Health Office (PHO) sa pamumuno ni Dr. Agripino Tullas at  ng  National Tuberculosis Program (NTP) Medical Coordinators, sa pamumuno ni Dr. Erlinda Plotria  ng  Chest Clinic, at pamahalaang panlalawigan sa pangunguna ng Ama ng lalawigan ay ibibigay ang buong suporta at ipagkakaloob ang lahat ng kakailanganin upang maging matagumpay ang naturang programa.

Reported by: Jen-jen Oblefias @ Radio City 105.3 FM (Antioquia-Estacio Komentaryo) 8:30-9:00 am

Minor at Major Surgical Mission hatid sa probinsiya ng Quezon

Nagtala ng 32,637 na katao ang nakinabang sa libreng medikal at 5,878 katao sa dental mission na hatid ng Serbisyong Suarez para sa kalusugan.

Isa ang Bondoc Peninsula District Hospital sa matagumpay na nakapagsagawa ng libreng Major Surgical Mission na nagtala ng 196 katao, kung saan 101 ang nabigyan ng minor surgery at 95 naman ang nabigyan ng major surgery.

Katuwang sa misyong paglilingkod na ito ang grupo ng manggagamot buhat sa Manila Adventist Medical Center (MAMC) sa pamumuno ni Dr. Archie La Madrid. Ayon sa kanya kasiyahan ng kanilang grupo ang makapag-lingkod sa kapwa na kada taon nilang isinasagawa sa pamamagitan ng imbitasyon ng pamilya Suarez.

Pahayag naman ni Quezon Gov. David "Jayjay" C. Suarez, makakaasa ang mga mamamayan ng Quezon sa  hatid na serbisyo ng Pamahalaang Panlalawigan, lalo na nga sa programang pangkalusugan.

USAPANG PANGKALUSUGAN: TB (Tuberculosis)

SAAN NAGMUMULA ANG SAKIT NA TB?
       Mikrobyo ng TB (Mycobacterium tuberculosis)

SAAN NAGMUMULA ANG MIKROBYONG SANHI NG TB?
       Mula sa plemang nagmula sa baga ng maysakit

Serbisyong Suarez para sa Kalusugan nagpapatuloy

Bukod sa ipinamamahaging Health Coupon ng Pamahalaang Panlalawigan ng Quezon, ay nagbibigay din ng libreng “Serbisyong Medikal at Dental (Free Medical and Dental Mission)” sa iba’t ibang bayan.

Layunin ng aktibidad ng Serbisyong Suarez para sa kalusugan, ang makapaghatid ng tulong at serbisyo sa mga taong bayan, kabilang na ang pagbibigay ng libreng konsultasyon at libreng gamot na angkop sa pangangailangan ng tao.

Isa ang bayan ng San Narciso Quezon sa nabigyan ng libreng Serbisyong Medikal at Dental noong ika-22 ng Nobyembre na ginanap sa Brgy. Hall ng Brgy San Juan ng nabanggit na bayan.

Dito ay humigit  limang daang katao ang nakinabang sa libreng Medical and Dental Consultation, kasama na nga ang pamamahagi ng libreng gamot para sa ilang karamdaman gaya ng: highblood, lagnat, sipon, ubo, pamurga, vitamins at iba pa.

Ikinagalak at ipinagpasalamat ng mga mamamayan doon ang naturang programa sa ilalim ng pamumuno ni Gov. David “Jay-jay” Suarez na malaking tulong umano sa naturang lugar.

Ayon sa kapitan ng brgy. na si Ginoong Melquiades Polo, malayo ang ospital sa kanila na nagiging dahilan kung bakit hindi kaagad nakaka-pagpatingin ang kanyang mga kabarangay na may karamdaman at ang ilan ay walang pera upang magpakonsulta.

Patuloy ang pagtulong at pakikiisa  ng mga boluntaryong doctor at dentista katuwang ang mga health workers at ang lokal na pamahalaan sa Free Medical and Mental Mission, na handog sa mamamayan ng  Probinsiya ng Quezon.                             

FREE MEDICAL AND DENTAL MISSION SA SAN NARCISO QUEZON

Bukod sa ipinamamahaging health coupon ng pamahalaang panlalawigan ng Quezon, ay nagbibigay din ng libreng serbisyo o free medical and dental mission, sa iba’t ibang bayan.

Layunin ng aktibidad ng Serbisyong Suarez para sa Kalusugan ang makapaghatid ng tulong at serbisyo sa mga taong bayan, kabilang na ang pagbibigay ng libreng konsultasyon at libreng gamot na angkop sa pangangailangan ng tao.

Isa ang bayan ng San Narciso Quezon sa nabigyan ng libreng serbisyong medikal at dental, noong Nov. 22, 2012 na ginanap sa Brgy. Hall ng Brgy. San Juan ng nabanggit na bayan

Dito ay humigit limang daang katao ang nakinabang sa libreng medical at dental consultation, kasama na nga ang pamamahagi ng libreng gamot para sa ilang karamdaman na gaya ng high blood, lagnat, sipon, ubo, pamurga, vitamins at iba pa

Ikinagalak at ipinagpasalamat ng mga mamamayan sa nasabing bayan ang programang ito ng lokal na pamahalaan, sa ilalim ng pamumuno ni Gov. David “Jay-jay” Suarez, kung saan malaking tulong umano ito sa naturang lugar.

Ayon sa kapitan ng Brgy. San Juan na si Ginoong Melquiades Polo, malayo ang ospital sa kanila,  na nagiging dahilan kung bakit hindi agad nakakapagpatingin ang kanyang mga kabarangay na may karamdaman at ang ilan ay walang pera na ipangbabayad sa pagpapakunsolta.

Patuloy rin ang pagtulong at pakikiisa ng mga boluntaryong doktor at dentista katuwang ang mga Brgy. Health Workers at lokal na pamahalaan sa Free Medical and Dental Mission na handog sa mga mamamayan ng probinsiya ng Quezon.

Serbisyong Suarez namahagi ng Health Coupon

Gumaca Quezon – Nasa 59 na barangay ang napag-kalooban ng health coupon ng Serbisyong Suarez-Lingap Kalusugan, na may kabuuang halaga na P590,000.00.

Maaaring gamitin ang nasabing health coupon na pambili ng gamut at pangkunsulta sa mga pampublikong pagamutan.

Ang Formal turn-over ng Ceremonial Cheque ng Health Coupon sa naturang bayan ay ginanap noong Nov. 22, 2012, kung saan pinangunahan ito ni Quezon Gov. David “Jay-jay”  Suarez, kasama sina Gumaca Mayor Erwin Caralian at mga kapitan ng barangay ng Gumaca Quezon.

Tuloy-tuloy ang Serbisyong Suarez sa kanilang Programang Pangkalusugan handog sa mga mamamayan ng Probinsiya ng Quezon.