BUWAN NG KABABAIHAN

Bukod sa Fire prevention month, isa rin sa ipinagdiriwang ngayong buwan ng Marso, ay ang “Buwan ng Kababaihan”.
Dahil dito ang mga kababaihan sa buong Quezon ay binigyang pugay sa Quezon Provincial Women’s Day Celebration, na ginanap noong March 5, 2011 sa Quezon Convention Center-Lucena City.
Ang nasabing selebrasyon ay may temang: Babaeng Quezonian: Katuwang natin sa Pag-unlad ng Lalawigan.
Ito ay handog pa rin ng ating butihing Gobernador, David “Jayjay” Suarez at ng kanyang may bahay na si Mrs. Anna Suarez.
Ang guest speaker ay si Hon. Lucy Torres-Gomez at ang resource speaker ay si Dr. Cecilia Ladines-Llave.
Bawat bayan ng lalawigan ng Quezon, tulad ng mga bayan sa:

UNANG DISTRITO

1. Burdeos
2. Gen. Nakar
3. Infanta
4. Jomalig
5. Lucban
6. Mauban
7. Pagbilao
8. Panukulan
9. Patnanungan
10. Polillo
11. Real
12. Sampaloc
13. Tayabas

IKALAWANG DISTRITO
1. Candelaria
2. Dolores
3. Lucena City
4. San Antonio
5. Sariaya
6. Tiaong

IKATLONG DISTRITO
1. Agdangan
2. Buenavista
3. Catanauan
4. Gen. Luna
5. Macalelon
6. Mulanay
7. Padre Burgos
8. Pitogo
9. San Andres
10. San Francisco
11. San Narciso
12. Unisan


Umapaw ang mga kababaihang nakasuot ng pink na damit sa loob ng Convention Center, na kasapi ng KALIPI o Kalipunan ng Liping Pilipina sa bawat bayan ng lalawigan ng Quezon.


Naandon din ang Panlalawigan Presidente ng KALIPI na si Nelly Arit, mga panauhing pandangal, Bokal, Congressman, mga Mayor at Mayora ng mga bayan, MSWDO, Kapulisan, Nurse at marami pang iba.

Ang pagdiriwang na ito ay laan at handog para sa mga kababaihan ng Lalawigan ng Quezon.





MARCH 5, 2011 (Saturday)

Atty. Raul M. Bacalzo
POLICE DIRECTOR GENERAL
CHIEF, PHILIPPINE NATIONAL POLICE




Chief Supt. Samuel D. Pagdilao Jr.
CALABARZON POLICE DIRECTOR



Senior Supt. Ericson Velasquez
QUEZON PROVINCIAL POLICE DIRECTOR

Welcome! Atty. Raul M. Bacalzo

(Reported: March 1, 2011) DZLT

MGA COMPUTER SHOP BINALAAN

Isang panukalang batas ang inihain sa sesyong-panlunsod tungkol sa operasyon ng mga computer shop.

Bunsod pa rin sa pagdami at patuloy na pagdagsa ng mga reklamo ng mga magulang at guro tungkol sa pagkalulon ng mga kabataan sa pag-punta sa mga computer shop, partikular na ang mga batang nasa elementary at highschool, ang iba ay nahihilig sa mga online games, kung saan halos ayaw ng mag-aaral, kundi mag-computer na lamang. Lalo na sa araw na may pasok na kung minsan nga ay inaabot pa ng gabi.

Dahil dito umaksyon kaagad ang ating local na gobyerno sa pagsasa-ayos ng city ordinance na nagre-regulate ng operasyon ng modern communication facilities.

Ayon kay Francia Britania-Malabanan, Lucena Public Information Officer, ang city government ay naglalayong baguhin o i-revise ang ordinance 2264 series of 2007 para mai-adjust o makontrol ang business hours ng mga internet shop sa mga studyante at minors.

Nakasaad sa ordinance 2264, na hindi pinapayagang maglaro ng on-line games at off line games ang mga studyante at minors simula 11:00 am hanggang 3:00 pm, sa araw na may pasok.

Ayon naman sa mga magulang 8:00 am – 5:00 pm ang dapat o pagbawalan ang mga studyante at minors na magtungo ng internet shop.

Samantala, ang mga customer na may edad 17 pataas ay mula 5:00 pm hanggang 10:00 pm lamang pwedeng mag-computer.

Ang paglabag dito ay maaaring bigyang warning, multa o pagka-kansela ng business permits.

Ang operasyon ng mga shop ay imo-monitor ng mga Brgy. Officials.

(Reported: February) DZLT

PNP-AFP SA LALAWIGAN NG QUEZON AT BUONG CALABARZON REGION NAKAHANDA NA

Nito lamang Martes, Jan. 4, 2011, matatandaang nahuli sina Tirso Lagoras Alcantara @ Ka Bart, miyembro ng EXECOM at pinuno ng Southern Tagalog Regional Party Committee o STRPC na may nakapatong na reward na 2.6 M at si Apolonio Del Carmen Cuarto @ Ka Poly, empleyado ng Provincial Government at residente ng Nadres St. Brgy. Ibabang Iyam, Lucena City. Ang dalawa ay naaresto malapit sa Lourdes Church, Brgy. Ibabang Iyam, Lunsod ng Lucena.

Bunsod ito ng pagkatanggap ng isang impormasyon ng 1st Special Forces Battalion bandang ala-7:00 ng gabi nang araw ding iyon ng Martes.

Kung saan isang Joint Operation mula sa mga elemento ng Provincial Intelligence Branch ng Quezon PPO, sa ilalim ng pamumuno ni Police Supt. Ramon Balauag at 3rd SF Coy, 1st SF Battalion na pinamunuan ni 1st Lieutenant Jerson Baleros, na siyang pumunta sa lugar upang ihain ang nasa 23 Warrant of Arrest na inilabas ni Judge Virgilio Alpajora ng RTC, Branch 59 ng Lungsod ng Lucena laban sa suspek.

Sa naging panayam ng DZLT Radyo Asenso kay Tiaong PNP Chief Joriz Almodiel Cantoria, sinabi niyang napaka-gandang accomplishment sa pinagsanib na pwersa ng Philippines National Police – Armed Forces of the Philippines (PNP- AFP), ang pagkakadakip ni Tirso Alcantara o Ka Bart, kung saan napag-alaman din na siyang Regional Party Committee Chairman ng Southern Tagalog Regional Party Committee o STRPC.

Mahigit umano sa 30 Warrant of Arrest ang nakahain kay Ka Bart mula sa bayan ng Tiaong, Candelaria, Sariaya at iba pang parte ng Quezon.

Si Alcantara rin ang itinuturong utak ng pagpapatakas ng ilang NPA na preso ng Quezon Provincial Jail at nang panahong iyon ay siya ang commander ng Regional Unit Gerilla ng NPA.

Dahil sa pagkakadakip sa sinabing pinuno ng NPA, inaasahan na umano ng PNP at AFP na maaaring rumesbak o gumanti ang miyembro ni Alcantara.

Kung kaya’t nagtagubilin sina Provincial Director Police Senior Supt. Ericson Velasquez at Regional Director Police Chief Supt. Pagdilao sa lahat ng Police Station at lahat ng unit ng pulisya dito sa Quezon at sa buong Calabarzon region na maging handa at pag-igtingin ang pag-iingat sa sarili o personal security at ang seguridad ng Police Station at iba pang unit.

Alerto umano ang Tiaong PNP sa pagmo-monitor at sila’y nakikipag-ugnayan sa Armed Forces of the Philippines, at sa mga elemento ng Special Forces sa pagbabantay ng posibleng paglutang ng mga NPA.

Dagdag pa ni Cantoria hindi maiiwasang hindi rumesbak ang mga ito lalo’t malaking tao ang nahuli, kung kaya’t inaasahan na nila ang Retaliatory Acts o Action o anumang klaseng Violent incident para lang ipakita ang kanilang pagka-disgusto sa ginawa ng pamahalaan.

(Reported: Jan 7, 2011) DZLT