Legarda: Iwasan ang panganib dala ng paggamit ng mga paputok

Ilang oras na nga lamang at magpapalit na ang taon, kung kaya naman mas pahihigpitin pa ang pagbabantay ng kinauukulan sa publiko.

Ganun pa man patuloy rin ang paghikayat sa mga tao na iwasan ang pagpa-paputok ng mga delikadong firecrackers sa pagsalubong ng 2013.

Ikina-alarma ni Sen. Loren Legarda ang pagtaas ng bilang ng mga biktima ng paputok habang papalapit ang pagdiriwang ng Bagong Taon.

Kaugnay nito, hinikayat ng Senadora ang mga mamamayan na sumunod sa pagbabawal ng mga awtoridad sa paggamit ng baril at mga delikadong paputok o firecrackers.

Aniya makapipinsala sa kalusugan ng tao at kapaligiran ito, kabilang na nga ang pagsunog ng mga lumang gulong ng sasakyan kung saan delikado ang usok dahil sa naglalaman ito ng kemikal

Sa pinakahuling tala ng Dept. of Health, umabot na sa 150 ang nasabugan ng malalakas na paputok at isa naman ang nasugatan nang tamaan ng stray bullet o ligaw na bala.

Dagdag pa ni Legarda mas mabuting salubungin aniya ang bagong taon ng kumpleto ang mga daliri sa kamay at paa o walang anumang pinsala sa bahagi ng katawan ng tao.

Inirekumenda niya na gumamit na lang ng torotot at iba pang paraan na mas ligtas at walang epekto sa ating kalikasan.

LEGARDA MULING NANGUNA SA SURVEY

Si Senadora Loren Legarda ang nangunguna sa the Center Pulso ng Pilipino Survey na isinagawa noong November 26 hanggang December 6.

Nakakuha si Legarda ng 67% o halos limang puntos ang kalamangan sa pumapangalawang si Senator Chiz Escudero na may 62%.

Nasa ikatlong pwesto naman si Senator Allan Peter Cayetano (49%); nag-tie sa ika-apat na puwesto sina Congressman JV Ejercito at Chyntia Villar (44.3%); sinundan ni Senator Koko Pimentel (43%);  Congressman Jackie Enrile (41%); Senator Gringo Honasan at Migz Zubiri (39.4%); Antonio Trillanes (36%) at dating Senator Richard Gordon (35.5%).

Naungusan naman ni Vice President Jejomar Binay si Pangulong Noynoy Aquino sa Satisfaction Rating.

79% ang satisfaction rating ni Binay habang 71% kay Pangulong Aquino.

68% ang satisfaction rating ni Senate President Juan Ponce Enrile at 48% kay House Speaker Jose Belmonte.

44% naman ng mga pinoy ang optimistic na gaganda ang ekonomiya sa 2013.

Programa para sa Magsasaka ng Quezon

Bilang tugon sa pagbabago ng buhay ng isang magsasaka at tulong upang mapaunlad ang mga produktong pang-agrikultura, naglunsad muli ng panibagong programa para sa mga magsasaka ang Pamahalaang Panlalawigan ng Quezon.

Tatawaging Farmers Enhancement Productivity Program (FEPP) ang panibagong  programang ito na ilulunsad sa taong 2013, nakasaad dito na “Ang pamahalaang Panlalawigan ang magbibigay ng binhing pananim, kasunod ang paglalaan ng Cash Assistance , gayun din ng mga abono”.

Para naman mapangalagaan ang kabuhayan ng magsasaka, ang pamahalaang panlalawigan na ang bibili ng mga produkto buhat sa isang magsasaka na nasa ilalim ng programang FEPP.

Ayon pa kay Quezon Gov. David “Jay-jay” Suarez, bibigyan din ng prayoridad ang anak ng mga magsasaka upang maging scholar ng Serbisyong Suarez para sa Edukasyon.

Ipinagmalaki rin ng am ng lalawigan ang programang “Organic Farming” na ipinatutupad ng Pamahalaang Panlalawigan sa isinagawang paskuhan ng mga magsasaka sa Lunsod ng Tayabas noong Dec. 14, 2012 sa Municipal Covered Court ng naturang bayan.

Nakipagdiwang din si Gov. Suarez ng kapaskuhan sa Brgy. Pulo, San Antonio Quezon, dito nabanggit niya ang kanyang ginagawang pagbisita sa malalayong lugar kung saan nalalaman at nararamdaman niya ang mga pangangailangan ng bawat isang pamilya.

Paraan umano ito upang iparamdam sa mga taga-Quezon na bukas ang kapitolyo  para sa lahat, sa ilalim ng mga Programa ng Serbisyong Suarez. 

Reported by: Jen-jen Oblefias @ Radio City 105.3 FM (Antioquia-Estacio Komentaryo) 8:30-9:00 am

Programa para sa mga magsasaka at agrikultura ipinagkaloob ng Serbisyong Suarez

Bilang tugon sa pagbabago ng buhay ng isang magsasaka at tulong upang mapaunlad ang mga produktong pang-agrikultura, naglunsad muli ng panibagong programa para sa mga magsasaka ang Pamahalaang Panlalawigan ng Quezon.

Tatawaging Farmers Enhancement Productivity Program (FEPP) ang panibagong  programang ito na ilulunsad sa taong 2013, nakasaad dito na “Ang pamahalaang Panlalawigan ang magbibigay ng binhing pananim, kasunod ang paglalaan ng Cash Assistance , gayun din ng mga abono”.

Para naman mapangalagaan ang kabuhayan ng magsasaka, ang pamahalaang panlalawigan na ang bibili ng mga produkto buhat sa isang magsasaka na nasa ilalim ng programang FEPP.

Ayon pa kay Quezon Gov. David “Jay-jay” Suarez, bibigyan din ng prayoridad ang anak ng mga magsasaka upang maging scholar ng Serbisyong Suarez para sa Edukasyon.

Ipinagmalaki rin ng am ng lalawigan ang programang “Organic Farming” na ipinatutupad ng Pamahalaang Panlalawigan sa isinagawang paskuhan ng mga magsasaka sa Lunsod ng Tayabas noong Dec. 14, 2012 sa Municipal Covered Court ng naturang bayan.

Nakipagdiwang din si Gov. Suarez ng kapaskuhan sa Brgy. Pulo, San Antonio Quezon, dito nabanggit niya ang kanyang ginagawang pagbisita sa malalayong lugar kung saan nalalaman at nararamdaman niya ang mga pangangailangan ng bawat isang pamilya.

Paraan umano ito upang iparamdam sa mga taga-Quezon na bukas ang kapitolyo  para sa lahat, sa ilalim ng mga Programa ng Serbisyong Suarez. 

 

(Reported by: Jen-jen Oblefias @ Antioquia-Estacio komentaryo (8:30-9:00 am) 105.3 FM Radio City

MAGING HANDA SA KALAMIDAD - LEGARDA

Bukod sa mga akdang batas para sa kalikasan at kung paano ito maaalagaan  dahil sa pag-iiba ng klima o climate change na dulot ng global warming.

Ang pagkakaroon ng kahandaan sa epekto nito gaya ng bagyo at iba pang natural na kalamidad ay mahalaga at dapat huwag ipagsawalang bahala.

Bilang UN Regional Champion for Disaster Risk Reduction and Climate Change Adaptation, sinabi ni Sen. Loren Legarda na bukod sa paghahanda sa kalamidad, ay dapat magkaroon ng kaalaman ang lahat tungkol sa mga geographical location na maaaring high risk o peligroso, lalo na kapag nangyari ang di inaasahang kalamidad.

Dapat malaman ng mga residente kung ang kanilang lugar ay prone ba sa landslide o maaaring naninirahan sila sa mga mabababang lugar kung kaya flood-prone area ang lokasyon nila.

Reported by: Jen-jen Oblefias @ Radio City 105.3 FM (Antioquia-Estacio Komentaryo) 8:30-9:00 am