Huwag Pasaway - Legarda

Tila ba isang bangungot ang iniwan ng matinding Bagyong Pablo na nanalansa sa ating bansa, maraming ari-arian ang nasira at marami rin ang nagbuwis ng buhay.

Ang mga biktima o mga survivors na bukod sa nangungulila sa kanilang mahal sa buhay na nawala ay kumakalam na rin ang sikmura.

At dahil sa nakaka-alarma na ang ganitong pangyayari, habang binabayo o dinadaanan palagi ngiba’t ibang delubyo ang bansa.

Lalo pang pina-igting ni Sen. Loren Legarda ang pagbibigay ng babala at pagsusulong ng mga paraan sa pagtugon sa epekto ng pagbabago ng klima dulot ng Global Warming.

Bilang Chair of the Senate Committee on Climate Change and UN Regional Champion for Disaster Risk Reduction and Climate Change Adaptation for Asia Pacific.

Nagrekomenda si Sen. Loren Legarda ng ilang hakbangin para maiwasan o maibsan ang epekto ng kalamidad gaya ng Pablo, Sendong at Ondoy.

Ito ay sa pamamagitan ng paglilinis ng mga estero, kanal at iba pang daanang tubig o waterways, pagbabawal sa illegal logging operations o pagkakalbo ng kabundukan, gayundin ang pagmimina sa mga mapanganib na lugar tulad sa Compostela Valley.

Hindi rin umano basurahan ang mga ilog, lawa at iba pang anyong tubig para pagtapunan.

Sa loob ng halos sampung taon parang sirang plaka na si Legarda sa pagpapa-alala sa mga opisyal ng gobyerno o local government units at sa mga mamamayan sa pagiging handa at pagpapatupad ng mga programa para sa Climate Change Adaptation.

Dagdag pa ni Legarda dapat na tayong matuto ng leksyon, maging handa at huwag ng manirahan sa mga mapanganib na lugar.

Reported by: Jen-jen Oblefias @ Radio City 105.3 FM (Antioquia-Estacio Komentaryo) 8:30-9:00 am