Legarda nanawagan sa proteksyon ng mga Pawikan at iba pang Endangered Species

Dahil sa nagbabadyang pagkaubos ng mga endangered species tulad ng pawikan nanawagan at humihingi ng suporta si Sen. Loren Legarda upang huwag tuluyang maglaho ang mga nasabing nilalang.

Bilang Chair of the Senate Committee on Climate Change, United Nations Regional Champion for Disaster Risk Reduction at Climate Change Adaptation for Asia-Pacific, isa sa mga pinagtutuuunan niya ng pansin ay ang pagkasira ng tirahan o habitats ng mga ito.

Ayon sa senadora ang pagkasira ng mga natural habitats o mga tirahan ng mga hayop mapa-dagat man o lupa ay nangangahulugan ng malaking kawalan ng sources of livelihood, kabilang na nga dito ang tourism at ang depletion of food supply.

Ang pawikan ay sinasabing majestic creatures na matatagpuan sa halos iba’t ibang parte ng bansa, isa rin ito sa mga oldest species na patuloy na nabubuhay.

Ngunit dahil sa “poaching” o “pagnanakaw ng mga itlog ng pawikan” para gamitin sa pansariling interest o commercial purposes at pagkasira ng mga tirahan ng mga ito, ay  nanganganib na maubos at maglaho ang mga pawikan.

Dahil sa bantang ito at bunsod ng pagsuporta sa Conservation of the endangered species Program,  Nakilahok si Sen. Legarda sa 2012 Pawikan Festival, na ginanap sa  Pawikan Conservation Center sa Morong, Bataan.

Binati niya ang Lokal na Gobyerno ng Bataan dahil sa pagprotekta, conservation at rehabilitation program, ng populasyon ng mga Pawikan. 

HInikayat rin ng Senadora ang mga tao sa Bataan na patuloy na ipalaganap ang kanilang adbokasiya ng pagsagip sa mga Pawikan o Philippine Marine Turtles.