FRATERNITIES AT SORORITIES PINAGBABAWALANG MANGHIKAYAT NG MGA MENOR DE EDAD UPANG GAWING MIYEMBRO

ISA NGA SA PROBLEMA NG ATING LIPUNAN ANG DUMARAMING KASO NG MGA KASAPI NG FRATERNITY AT SORORITY SA BANSA. ANG FRATERNITY AT SORORITY AY GALING SA SALITANG LATIN NA FRATER AND SOROR, NA ANG IBIG SABIHIN AY "BROTHER" AND "SISTER”, ITO AY ISANG SAMAHAN NG KAPATIRAN, NGUNIT HINDI GANITO ANG NANGYAYARI .

NABALITAAN KAMAKAILAN ANG ISA NA NAMANG NAMATAY DAHIL SA HAZING, KAYA UMALMA NA ANG ILANG MGA MAGULANG DAHIL SA HINDI NA UMANO MAKATAO ANG ISINASAGAWANG INITIATION.

ISA PA SA IKINABABAHALA NG MGA MAGULANG, DEPED AT DSWD AY ANG PAGKAKAROON NG MGA BATANG MIYEMBRO NG NASABING SAMAHAN, KUNG GANITONG PABATA NG PABATA ANG NAGIGING KASAPI NG KAPATIRANG ITO NALALAGAY UMANO SA PANGANIB ANG MGA BATA LALO’T DADAAN SA KONTROBERSYAL NA FINAL INITIATION.

ISA ITO SA DAHILAN KUNG KAYA’T ISANG BATAS ANG IPINANUKALA SA LUPON NG YOUTH AT BATAS SA ISANG BAYAN SA LALAWIGAN NG QUEZON.

ANG NASABING BATAS AY ANG ORDINANCE NO. 2009-6 NG SANGGUNIANG BAYAN NG ALABAT, QUEZON, NA MAY PAMAGAT NA:”ORDINANSANG NAGBABAWAL SA SAMAHANG FRATERNITIES AT SORORITIES NA MANGHIKAYAT NA SUMAPI SA KANILANG SAMAHAN ANG MGA KABATAANG MENOR DE EDAD SA BAYAN NG ALABAT, QUEZON ”

(Reported: Nov. 10, 2010) DZLT