SINO BA ANG DAPAT SISIHIN?

KALIWA’T KANAN NA NGA ANG NANGYAYARING KRIMEN, ANG NAKAKALUNGKOT PABATA NA NG PABATA ANG NASASANGKOT.

SA MGA MADIDILIM NA SULOK PAGSAPIT NG DILIM AY HINDI NA MASASABING LIGTAS.

BUKOD SA KRIMEN NARIYAN RIN ANG STREET CHILDREN AT TAONG GRASA, NA KUNG MINSAN AY NAGIGING PROBLEMA RIN NG LIPUNAN.

BATID NG MGA KABABAYAN NATING NAGMAMALASAKIT, NA MAAARING DAPUAN NG KUNG ANU-ANONG SAKIT ANG MGA BATANG NATUTULOG SA LANSANGAN, ANG PAGSABIT SA MGA PAMPASAHERONG DYIP NA MAAARI NILANG IKA-DISGRASYA AT MAGING SANHI PA NG ABERYA SA DRIVER PAG NAGKATAON, AT ANG MAAARING
PAGGAMIT SA KANILA NG MGA SINDIKATO.

NATATANONG DIN NG ILANG BUMIBISITA, “NASAAN BA ANG MAGULANG NILA?”
ANG MGA TAONG GRASA NA PAULI-ULI O MGA MAY PROBLEMA SA PAG-IISIP, NASAAN NGA BA ANG PAMILYA NILA?

SA MGA GANITONG USAPIN, SINO NGA BA ANG DAPAT SISIHIN? O SINO NGA BA ANG DAPAT MAGING RESPONSABLE?

ANG MGA MAGULANG BA, NANAG-PAPABAYA SA KANILANG MGA ANAK? MGA PULIS NA DAPAT HUMULI NG MGA NAGKASALA SA BATAS? O DSWD NA DAPAT UMAKSYON SA GANITONG KALAGAYAN?

SA MGA NAHUHULING SUSPEK NA MENOR DE EDAD? PULIS BA O DSWD ANG DAPAT UMAKSYON?
DAPAT BANG IASA ANG LAHAT SA PULISYA? O DAPAT TAYONG MAKIPAGKA-ISA?

HINDI PA NGA MASASABING MAUNLAD ANG ATING BAYAN, KUNG MAY MGA GANITONG TANAWIN PA RIN SA LANSANGAN.

(Reported: Nov. 5, 2010) DZLT