STREET CHILDREN

MARAMI NA NGA ANG BILANG NG MGA KABATAAN NGUNIT HINDI LAHAT AY PINALAD NA MAGKAROON NG MAGANDANG BUHAY, ILAN NA NGA DITO AY ANG MGA STREET CHILDREN, MGA ABANDONED CHILD, MGA MINOLESTIYA O KAYA NAMAN AY NALIGAW NG LANDAS.

ANG PAGKALAT NG MGA STREET CHILDREN SA BAYAN NG LUCENA CITY AY ISA SA MGA HINDI PA MAPUKSA-PUKSANG SULIRANIN. ANG ILAN SA MGA BATA AY MGA GALING PA UMANO SA MALALAYONG LUGAR, SAMANTALA KARAMIHAN NAMAN SA MGA MAKIKITA NA BATA AY MAY MGA MAGULANG PA AT NAKATIRA LANG UMANO SA MGA KALAPIT BRGY.

KUNG KAYA ANG MGA MAGULANG NG MGA NASABING BATA NA TAGA RITO LANG SA LUCENA AY PINANANAWAGAN AT PINAKIKI-USAPAN NG DEPT. OF SOCIAL WELFARE & DEVELOPMENT O DSWD NA SANA’Y HUWAG NILANG HAYAAN ANG KANILANG MGA ANAK NA MAGPA-ULI-ULI SA LANSANGAN DAHIL BUKOD SA DELIKADO AY MAAARI PA UMANO SILANG MADAPUAN NG IBA’T IBANG URI NG SAKIT.

SA ATING PAKIKIPANAYAM SA PAMUNUAN NG SOCIAL WELFARE COMPLEX SA BAHAGI NG ZABALLERO SUBD. BRGY. GULANG-GULANG. NAKA-USAP KO PO SI GNG. CHRISTINA FERNANDEZ, SOCIAL WELFARE OFFICER I.

AT ATING ITINANONG ANG TUNGKOL SA MGA STREET CHILDREN PARTIKULAR NA SA BAHAGI NG BIGMAK SA QUEZON AVE. KUNG ANO ANG AKSYON NILA UKOL DITO, KUNG SAAN ANG MGA BATANG NAKATAMBAY AY DOON NA HUMIHIGA SA SIMENTO KUNG SAAN WALANG LATAG AT MAAARI SILANG MALAMIGAN AT MADAPUAN NG SAKIT.

AYON KAY GNG. FERNANDEZ ANG MGA BATANG ITO AY NADALA NA UMANO SA KANILA AT KANILANG SINAMAHAN PABALIK SA KANILANG MGA MAGULANG AT NAGKAROON SILA NG AGREEMENT O KASUNDUAN NA PANGANGALAGAAN NILA AT PAG-AARALIN ANG KANILANG MGA ANAK.

NGUNIT ANG NANGYARI PAGKARAAN NG ILANG ARAW AY NAKITA NA MULI ANG MGA BATANG ITO SA LANSANGAN. DAGDAG PA DITO BILANG LANG SA MGA STREET CHILDREN ANG ABANDONED CHILD O MGA BATANG ULILA NA TALAGA.

BINIGYAN DAAN DIN NATIN ANG ISA PANG KATANUNGAN TUNGKOL SA KAPARUSAHAN SA MGA MAGULANG NA NAG-PAPABAYA SA KANILANG MGA ANAK.]
DAPAT UMANO AY MAY MAGHAHABLA O MAGREREKLAMO SA AKUSADONG MAGULANG. PAG NAMAN INIREKLAMO DADAAN PA DIN SA MAHABANG PROSESO DAHIL MAY MGA IKINO-KONSIDERA PA, HALIMBAWA, YUNG HINAHABLA BAKA MAY MGA ANAK PANG INAALAGAAN O KAYA SYA YUNG NAGHAHANAP-BUHAY AT KUNG ANU-ANO PA.

NGUNIT KUNG MERONG MGA INAABANDONA MERON DIN NAMAN HANDANG KUMALINGA SA KANILA BUKOD SA DSWD O BAHAY AMPUNAN, ETO AY ANG TINANATAWAG NA FOSTER PARENTS.

SA NGAYON MAY MGA VOLUNTARY FOSTER PARENTS SA DSWD ITO AY ANG MGA MAG-ASAWA NA GUSTONG UMAMPON, O MAGKALINGA NG BATA.

NGUNIT BAGO RIN MAGING FOSTER PARENT DAPAT DUMAAN PA RIN SA MAHABANG PROSESO. UNA, KAILANGAN MAG-APPLY SILA SA DSWD BILANG FOSTER PARENT, BAGO MABIGYAN NG PERMIT TO ADOPT, KAILANGAN NG BACKGROUND CHECK AT KUNG MAY KAKAYANAN SILA NA MAG-ADOPT.

MAY MGA REQUIREMENTS DIN PO NA DAPAT IPASA ANG MAG-ASAWA TULAD NG BRGY. AT POLICE CLEARANCE NILANG MAG-ASAWA AT ANG IBA PANG REQUIREMENTS AY MAAARI PO NINYONG ITANONG SA TANGGAPAN NG DSWD SA SOCIAL WELFARE COMPLEX LOCATED SA ZABALLERO SUBD. BRGY GULANG-GULANG LUCENA CITY.

(Reported: Nov. 16, 2010 ) DZLT